Supracoŭniki DAI i nieabyjakavy hramadzianin vyratavali kiroŭcu, jakomu stała kiepska za rulom, paviedamlaje HUUS Minharvykankama.
Ekipaž DPS adździeła DAI Kastryčnickaha RUUS Minska ruchaŭsia pa vulicy Suražskaj z boku vulicy Fabrycyusa ŭ napramku vulicy Tałstoha. Inśpiektary zaŭvažyli, što aŭtamabil «Aŭdzi», jaki spyniŭsia na śviatłafory, pry zaharańni zialonaha praciahnuŭ stajać na miescy, a kiroŭca siadzieŭ, schiliŭšy hałavu.
Inśpiektary zdoleli adkryć zabłakavanyja dźviery mašyny praz pryadčynienaje akno. Kiroŭca byŭ biez prytomnaści. Supracoŭniki DAI vyklikali chutkuju miedycynskuju dapamohu i dastali mužčynu z aŭtamabila. U hety čas mima prajazdžaŭ pradstaŭnik UDAI MUS, jaki taksama paśpiašaŭsia na dapamohu.
Vyśvietliŭšy, što mužčyna nie dychaje i ŭ jaho nie pramacvajecca puls, supracoŭniki Dziaržaŭtainśpiekcyi stali akazvać kiroŭcu pieršuju miedycynskuju dapamohu, pravodzić sardečna-lohačnuju reanimacyju. Praź niekalki chvilin da ich dałučyŭsia minak, jaki byŭ miedycynskim rabotnikam.
Mužčynu vyvieli sa stanu kliničnaj śmierci. Jak udakładnili miedyki, pacyjent znachodzicca ŭ ciažkim stanie.
Kamientary