U siecivie źjaviłasia analityčnaja zapiska «Ahraklimatyčnaje zanavańnie terytoryi Biełarusi z ulikam źmianieńnia klimatu» (pdf) Ministerstva pryrodnych resursaŭ i achovy navakolnaha asiarodździa. Niekatoryja prahnozy prosta ahałomšvajuć.
Analiz dadzienych pakazvaje, što ŭ krainie istotna pavialičvajecca ciopły pieryjad, kali tempieratura pavietra bolšaja abo roŭnaja nulu. Praciahłaść hetaha pieryjadu da 2041—2060 hadoŭ u siarednim vyraście na 35 dzion i budzie vahacca ad 280 da 310 dzion.
A ŭ rajonie Bresta siaredniaja praciahłaść ciopłaha pieryjadu z sumaj tempieratur >=0°S składzie 365 dzion., h.zn. zimy nie budzie.
Uviesnu i ŭletku kolkaść apadkaŭ praktyčna nie źmienicca, ale vilhotnaść letam budzie źmianšacca za košt pavyšeńnia tempieratury pavietra i vypareńnia vady raślinami.
Navukoŭcy miarkujuć, što ciepłazabieśpiačeńnie viehietacyjnaha pieryjadu jašče bolš pavialičycca, a ŭ letni pieryjad, z pryčyny vysokich tempieratur i niedachopu vilhaci, zasušlivaść terytoryi budzie ŭzrastać, što pryviadzie da źmienaŭ u technałohii vyroščvańnia šerahu kultur.
Na malunku pakazanyja miežy novych ahraklimatyčnych abłaściej, jakija ŭtvoracca ŭ vyniku paciapleńnia da 2030 i 2050 hoda. Tak, byłaja Centralnaja vobłaść, jakaja pakul što isnuje, da 2030 hoda faktyčna raspadziecca, a jaje miesca zojmie byłaja Paŭdniovaja vobłaść. Pry hetym praktyčna na ŭsioj terytoryi Biełarusi źjavicca mahčymaść vyroščvańnia kukuruzy na ziernie, słaniečnika. Novaja ahraklimatyčnaja vobłaść prasuniecca daloka na poŭnač i zojmie miesca Paŭdniovaj, a na poŭdni krainy źjaviacca jašče bolš ciopłyja ahraklimatyčnyja vobłaści z sumami tempieratur bolš za 2800° S.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary