Knihu Zianona Paźniaka adabrali na miažy. Praviarajuć na «ekstremizm»
Knihu Zianona Paźniaka «Ciažki čas» (častka 2) biełaruskija mytniki zabrali na biełaruska-ŭkrainskaj miažy ŭ hramadzkaha aktyvista Viktara Kułaka, paviedamlaje «Radyjo Svaboda».
Heta adbyłosia 23 vieraśnia na pamiežnym pierachodzie «Novaja Huta», kudy Viktar Kułak pryjechaŭ na aŭtamabili paśla pajezdki ŭ Čarnihaŭ. Aktyvist raspavioŭ Svabodzie abstaviny zatrymańnia knihi.
Padčas ahladu aŭtamabila knihaj zacikaviŭsia mytnik, pahartaŭ i syšoŭ, a potym pryjšli adrazu 6 supracoŭnikaŭ mytni i pamiežnikaŭ.
«Jany zabrali knihu i pačali na jaje składać roznyja dakumenty. U vyniku mnie ŭručyli 3 papiery, siarod ich akt ahladu knihi i paviedamleńnie ab zabrańni knihi z nakiravańniem jaje na ekspertyzu nakont pryznańnia ekstremisckaj litaraturaj. Dakumenty padpisaŭ inspektar mytnaj słužby Alaksiej Pakrepa. Mnie było skazana, što na ekspertyzu pojdzie 20 dzion», — raspavioŭ Viktar Kułak.
Knihu Zianona Paźniaka «Ciažki čas» Kułaku padaravaŭ znajomy z Ukrainy.
Skanfiskavanaja kniha — zbor artykułaŭ Zianona Paźniaka z 1996 pa 2002 hady na temy ŭnutranaj palityki i rasiejska-biełaruskich dačynieńniaŭ.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary