U Biełarusi raspracoŭvajuć pałažeńnie, jakoje prajaśnić usie momanty z realizacyjaj tavaraŭ, rabot i pasłuh nakont padarunkavych siertyfikataŭ ci inšych padobnych dakumientaŭ. Pra heta siońnia na pres-kanfierencyi raspaviała namieśnik načalnika ŭpraŭleńnia abarony pravoŭ spažyŭcoŭ i kantrolu za rekłamaj Ministerstva antymanapolnaha rehulavańnia i handlu Iryna Baryšnikava.
— Zaraz Ministerstva antymanapolnaha rehulavańnia i handlu (MARH) raspracoŭvaje pałažeńni ab realizacyi tavaraŭ, rabot, pasłuh pa padaračnych siertyfikatach ci inšych padobnych dakumientach. Praduhledžvajecca ŭstanavić mahčymaść viarnuć siertyfikat spažyŭcom na praciahu terminu jaho dziejańnia, ustanavić abaviazak pradaŭca vydać spažyŭcu reštu, kali spažyviec nabyŭ tavar na sumu mienšuju, čym ukazana ŭ siertyfikacie, - raspaviadaje Iryna Baryšnikava.
Šmatlikija kramy sapraŭdy nie dajuć reštu, kali čałaviek uziaŭ tavaru na mienšuju sumu, čym kaštavaŭ padarunkavy siertyfikat. U mnohich navat na sajtach prapisana takoje praviła.
Namieśnik načalnika ŭpraŭleńnia padkreśliła, što padarunkavy siertyfikat - heta tyja ž hrošy, tamu łahična, kali buduć davać reštu, u vypadku kali čałaviek nie patraciŭ usiu sumu.
Takoje praviła moža źjavicca ŭžo da 23 śniežnia — heta data ŭstupleńnia ŭ siłu zakona «Ab uniasieńni źmianieńniaŭ i dapaŭnieńniaŭ u zakon «Ab abaronie pravoŭ spažyŭcoŭ».
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary