Mašynist-instruktar Andrej Kakošyn, jaki pracavaŭ u dzień zdareńnia ŭ minskim mietro, raspavioŭ, što adbyłosia 28 vieraśnia z 17.50 da 18.03 pamiž stancyjami «Kastryčnickaja» i «Płošča Lenina».
Andrej Kakošyn, mašynist-instruktar bryhad łakamatyŭnych elektradepo «Maskoŭskaje», u dzień zdareńnia byŭ na źmienie.
— 28 vieraśnia ŭ 17 hadzin 47 chvilin pry skiravańni sastavu elektraciahnika № 0335-0898-0899-0900-0336 pa druhim hałoŭnym šlachu pierahonu «Kastryčnickaja — Płošča Lenina» maršrutu №13, adbyłasia spracoŭka vientyla zamiaščeńnia №1 (VZ1) tarmaznoj pnieŭmasistemy, z -za čaho nie adpuskali pnieŭmatyčnyja tarmazy. Ciahnik spyniŭsia, — tłumačyć jon.
Pavodle jaho słoŭ, kali ciahniki spynilisia, u 17:53 uklučałasia prytokavaja vientylacyja dla zabieśpiačeńnia pastupleńnia ŭ tunel śviežaha pavietra. U 18:08, paśla adnaŭleńnia ruchu, vientylacyja była adklučanaja.
— U vyniku nieapieratyŭnych dziejańniaŭ mašynista pa vyjaŭleńni pryčyn spracoŭki vientyla zamiaščeńnia № 1 na elektraciahniku, mašynist nie zmoh pryvieści elektraciahnik u ruch na praciahu 3 chvilin. Ciahnikovy dyśpietčar pryznačyŭ dapamožny ciahnik siomaha maršrutu, jaki išoŭ za niaspraŭnym ciahnikom. Padjechaŭšy da chvastavoj častki maršrutu № 13, mašynist dapamožnaha ciahnika zrabiŭ sčep ź niaspraŭnym sastavam.
Adnak jakraz u hety čas, śćviardžaje Andrej Kakošyn, mašynist maršrutu № 13 likvidavaŭ niaspraŭnaść i paviedamiŭ dyśpietčaru pra toje, što hatovy samastojna praciahnuć ruch. Tamu ciahniki znoŭ rasčapilisia.
— Elektraciahnik maršrutu № 13, paśla vysadki pasažyraŭ na stancyi «Płošča Lenina» byŭ adpraŭleny ŭ elektradepo dla ahladu. Elektraciahnik maršrutu № 7 praciahnuŭ pracu na linii.
Supracoŭniki MNS i śpiecyjalisty elektradepo ahledzieli techničny stan elektraciahnika.
— U vyniku ahladu sastava ciahnika maršrutu № 13 u elektradepo na vahonie № 0336 była vyjaŭlena niaspraŭnaja knopka ŭklučeńnia vientyla zamiaščeńnia № 1 (VZ1) na błoku № 6 pulta kiravańnia kabiny mašynista. Była praviedziena zamiena knopki. Dalej sastaŭ elektraciahnika № 0335-0898-0899-0900-0336 praciahnuŭ płanavuju pracu. Prynosim prabačeńni pasažyram mietrapalitena za dastaŭlenyja niazručnaści, — kaža mašynist-instruktar.
Siońnia, paviedamlajuć u mietrapalitenie, sastaŭ pracuje na linii.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary