Čytajcie taksama:
Rasijskija top-futbalisty da bojki ŭ kafe žorstka źbili biełarusa, jaki zrabiŭ im zaŭvahu. Jon trapiŭ u reanimacyju
Futbalisty zbornaj Rasii pabili čynoŭnika ŭ kafe. Dastałasia, bo jon padobny da kitajca VIDEA
Staŭ viadomy stan źbitaha rasijskimi futbalistami Kakorynym i Mamajevym čynoŭnika
«My zrobim usio, kab hetaha damahčysia». FK «Krasnadar» vyrašyŭ razarvać kantrakt z Mamajevym
Vital Sałaŭčuk, jakoha pabili rasijskija futbalisty Alaksandr Kakoryn i Pavieł Mamajeŭ, raskazaŭ pra incydent.
33-hadovy hramadzianin Biełarusi, kiroŭca viadučaj «Pieršaha kanała» Volhi Ušakovaj, trapiŭ u reanimacyju.
— Mašyna «Miersiedes» była pryparkavanaja na 2-oj Bresckaj vulicy. Ja čakaŭ Volhu Viktaraŭnu, jana była na zdymkach.
Raptam u mašynu sieła niejkaja pjanaja dziaŭčyna, maŭlaŭ, pahrejusia. Ja paprasiŭ dziaŭčynu vyjści, jana pačała łajacca: «Nie vyjdu — i kropka!»
Padyšoŭ niejki chłopiec, prykładna praz 40 siekund-chvilinu, adčyniŭ dźviery i zabraŭ jaje. Litaralna praz paru chvilin ja ŭžo chacieŭ adjazdžać, jak pačuŭ huk — hruk ab mašynu, jak-byccam niešta raźbiłasia.
Vyjšaŭ pahladzieć, što kinuli ŭ mašynu. Ubačyŭ hrupu maładych ludziej. Jany byli ahresiŭnyja, pačali pytacca, maŭlaŭ, ty viedaješ, chto ja. I ŭsio ŭ takim styli. Kryčali, što ja ich nibyta abraziŭ. Hetaha nie było — ja ž na pracy. A potym jany pačali mianie źbivać.
— Kolki ich było?
— Minimum piać čałaviek bili. Źbivali rukami i nahami. Ja nieadnarazova padaŭ na asfalt. U asnoŭnym bili ŭ vobłaść hałavy.
Padčas źbićcia kryčali, kab nie ŭzdumaŭ pisać zajavu. Praź niekatory čas jany pakinuli mianie, napeŭna, vyrašyli, što jašče troški, i budzie bolš žałobny vynik. Ja nie bačyŭ, kudy jany ŭciakli, mnie nie da hetaha było.
Ščyra pryznajusia, ja drenna ciamiŭ. Sieŭ u mašynu, adjechaŭ sa 2-oj Bresckaj da kancertnaj zały Čajkoŭskaha. Mnie było błaha, chacieŭ jak maha chutčej źjechać ad hetaha miesca, kab źbićcio nie paŭtaryłasia.
Spyniŭsia, vyjšaŭ z mašyny, tut da mianie padyšoŭ nieznajomy, jaki bačyŭ usiu hetuju historyju. Jon skazaŭ, što vyklikaŭ palicyju.
— Jakija ŭ vas traŭmy?
— Čerapna-mazhavaja traŭma, pierałom kaściej nosa, udar miakkich tkanak tvaru. Straciŭ šmat kryvi, jana śvistała ažno z vušej. Usia vopratka pramokła ad kryvi.
— Nakolki mocnyja paškodžańni ŭ mašyny?
— Z taho, što ja viedaju, — udar pa kryle, treščyna na fortačcy.
— Vam pahražajuć?
— Pakul niama pahroz. U mašynie ŭstalavany hłanasaŭski videarehistratar, i mator byŭ zaviedzieny, tamu videarehistratar pavinien byŭ pracavać.
Imavierna, na im zachavaŭsia pačatak bojki. Ale pa fatahrafijach ja ŭžo paznaŭ Kakoryna i Mamajeva, — skazaŭ paciarpieły.
Kamientary