Bresckija pamiežniki zatrymali sieniehalskaha studenta z Rasii, jaki sprabavaŭ źjechać u Italiju
9 kastryčnika kala biełaruska-polskaj miažy bresckija pamiežniki zatrymali sieniehalca biez dakumientaŭ. Jon sprabavaŭ pierasiačy miažu ŭ abychod aŭtadarožnaha punkta propusku «Brest».

Akazałasia, što sieniehalec raniej pryjechaŭ u Rasiju pa studenckaj vizie, dzie płanavaŭ navučacca ŭ adnoj z ahrarnych VNU.
«Student» vyjechaŭ u Biełaruś, dabraŭsia da Minska, zatym adpraviŭsia ŭ Brest. Kančatkovym punktam jaho padarožža musiła stać Italija. Adnak adzin ź miascovych žycharoŭ zaŭvažyŭ zamiežnaha hramadzianina pablizu miažy, pra što apieratyŭna paviedamiŭ pamiežnikam.
Ciapier hramadzianin Sieniehała znachodzicca ŭ izalatary časovaha ŭtrymańnia Bresckaj pamiežnaj hrupy.
Vychadca z Afryki čakaje departacyja z zabaronaj ujezdu na terytoryju Biełarusi terminam da 5 hadoŭ.
Kamientary