Redaktar časopisu «ARCHE» bačyć u chadajnictvie bieraściejskaha HB ab pryznańni numaru časopisu ekstremisckim materyjałam «tupoje i ahidnaje zapałochvańnie».
Redaktar časopisu «ARCHE» bačyć u chadajnictvie bieraściejskaha HB ab pryznańni numaru časopisu ekstremisckim materyjałam «tupoje i ahidnaje zapałochvańnie».
‑‑ Čamu, na Vaša dumku, numar chočuć pryznać ekstremisckim? Što ŭ im ekstremisckaha?
‑‑ Pa‑pieršaje zhadaju efekt navizny – zdajecca, jašče nikoli ŭ najnoŭšaj biełaruskaj historyi štomiesiačny časopis na biełaruskaj movie nie vychodziŭ abjomam 1100 staronak i da taho ž z kalarovym ilustracyjami. 24 kastryčnika bresckaja mytnica Renata Niadbajeva, kanfiskoŭvajučy časopis, vidać, dumała, što jon jaŭna nia z našaj respubliki pachodzić.
‑‑ Hety numar vielmi raznastajny i naahuł pryśviečany padziejam biełaruskaj historyi rsiejskich časoŭ, h.zn. da ŭvachodu biełaruskich ziemlaŭ u skład Rasiejskaj imperyi. Chočacca vieryć, što ŭłasna histaryčny blok nia byŭ kvalifikavany jak ekstremiscki. Eksperty bresckaha KDB mahli akreślić takim čynam tolki analiz V. Silickaha ab parlamenckich vybarach, dva materyjały pra vybuch 4 lipienia i, narešcie, recenziju kinakrytyka A. Rasinskaha na film A. Vajdy «Katyń», dzie aŭtar stavić čekistaŭ i fašystaŭ u adzin šerah.
Jak na mianie, u tym, što numar pryznany ekstremisckim, vinavatyja nia našy aŭtary i napisanyja imi teksty. Ja baču ŭ hetym prajavu kruhovaj paruki našych siłavych viedamstvaŭ. Zamiest taho, kab vypravić vidavočnaje hałavaciapstva, bresckaje KDB pakryvaje bresckuju mytniu, bo i pieršyja, i druhija hadami pryvykli vycirać nohi ab takich ludziej, jak my z vami.
Ja baču tut taksama tupoje i ahidnaje zapałochvańnie. Pasłańnie ludziej, jakija heta ŭčynili, na zvyčajnuju movu možna pierakłaści tak: maješ ty rehistracyju, nia maješ, usio roŭna vyrašać, puścić ciabie za miažu ci nie, budu ja sam.
‑‑ Što dumajecie rabić?
‑‑ Adkazam «ARCHE» na ŭsio heta budzie napružanaja i paśladoŭnaja praca. Sioleta my vypuścili adzin numar na 1100 staronak, naleta planujem užo dva. Takaja acenka – najlepšaje pryznańnie, što praca nie idzie namarna.
Chto taja Alina, ź jakoj Łukašenka tancavaŭ hetym razam na navahodnim bali18
Kamientary