Jakoje «Dynama» kruciejšaje: bresckaje ci minskaje? Startuje 26-y tur čempijanatu Biełarusi pa futbole

Razam z Bukmiekierskaj kantoraj Marafon praciahvajem sačyć za našaj vyšejšaj lihaj.

Zusim krychu zastałosia da vyrašeńnia hałoŭnych intryh čempijanatu. Realna za miedali jašče hatovyja pazmahacca šeść kamand. Nie mienš za šeść, mabyć, buduć zmahacca i za vyžyvańnie. Kancoŭka padoryć jašče šmat cikavych hulniaŭ.

Pahladzim, što vybitnaha budzie ŭžo na hety ŭik-end. Tradycyjna ahlad tura ad «Našaj Nivy».

«Isłač» — «Minsk»

• 26.10 / 15:00. Stadyjon FK «Minsk»
• Kaeficyjenty: «Isłač» (pieramoha) — 2,36; ničyja — 2,81; «Minsk» (pieramoha) — 3,44

Pavialičyć

Hulnia projdzie ŭ budni dzień a 15:00. Vyvieska ŭžo tak sabie. Ale «vaŭki» tut nie duža vinavatyja: na stadyjonie «Minska» nie pracuje elektryčnaść. «Isłač» dvojčy zapar pieramahła i ciapier moža adčuvać siabie bolš upeŭniena. Darečy, hulcy ź Minskaha rajona pabili rekord pa siaredniaj kolkaści hulniaŭ, praviedzienych futbalistami, starejšymi za 33 hady. Stary voł nikoli barazny nie sapsuje.

«Minsk» vydaŭ fiejeryčnuju hulniu ź ziemlakami z «Dynama» ŭ minułym tury. Matč skončyŭsia z bajavym likam 3:3, a dubl aformiŭ ukrainski lehijanier «Minska» Nasibulin. U kamandy ŭsio dobra z nastrojem. Škada tolki, što naleta bolšaść hulcoŭ «Minska» raźbiahucca pa inšych kłubach, a to b mocnaja była kamanda.

Prahnoz «NN»: «Minsk» nie sastupić.

«Dniapro» — «Słuck»

• 26.10 / 18:00. Mahiloŭ, stadyjon «Spartak»
• Kaeficyjenty: «Dniapro» (pieramoha) — 5,7; ničyja — 3,72; «Słuck» (pieramoha) — 1,6

U «Dniapra», kaniečnie, zastajucca tearetyčnyja šancy na zastavańnie ŭ vyšejšaj lizie. Ale ad hulni kamandy ŭsio bolej i bolej patychaje bieznadziejnaściu. Kali nie pieramohuć «Słuck», to kamandzie ŭ samy čas zamaŭlać kvitki ŭ Lidu, Babrujsk i Žytkavičy. U pieršaj lizie budzie viesieła.

«Słuck» pasypaŭsia. I heta było čakana. Kamanda daŭno ŭžo zrazumieła, što nie pojdzie na panižeńnie ŭ kłasie, ale i da vysokich miescaŭ im dalokaje. Adzinaje, što pavinna cikavić słučakoŭ — heta pieršaje miesca ŭ śpisie bambardziraŭ Jaŭhiena Šykaŭki, ale kamanda ŭžo nie zabivaje čytyry hulni zapar. U Paŭła Savickaha šancy na pieramohu ŭ hetaj sprečcy zaŭvažna rastuć.

Prahnoz «NN»: pieramoha «Słucka».

«Tarpieda» — «Viciebsk»

• 27.10 / 14:00. Stadyjon «Traktar»
• Kaeficyjenty: «Tarpieda» (pieramoha) — 9,4; ničyja — 4,6; «Viciebsk» (pieramoha) — 1,34

«Hej, lićviny, Boh nam radzić!» — tak minskaje «Tarpieda» zaprašaje na čarhovy tur čempijanatu. Aŭtazavodcy vyrašyli pryśviacić dadzieny matč vialikamu kniaziu litoŭskamu Vitaŭtu. Čakajecca rekanstrukcyja siaredniaviečnych bajoŭ, čakanka maniet i šmat inšych aktyŭnaściaŭ. Biarycie dziaciej i idzicie na «Traktar». Pavinna być cikava.

Nichto nie viedaje, kali ŭ «Viciebska» budzie nastupny šaniec začapicca za trojku? Praz hod, praź dziesiać? Kamanda nastrojenaja rabić historyju tut i ciapier. Tym bolš, što paśla «asiečki» minskaha «Dynama» kamanda znoŭ padniałasia na zapavietny treci radok, jaki daść nie tolki bronzu, ale i dazvolić pahulać naleta ŭ Lizie Jeŭropy.

Prahnoz «NN»: pieramoha «Viciebska».

«Haradzieja» — «Smalavičy»

• 27.10 / 16:00. Stadyjon «Haradzieja»
• Kaeficyjenty: «Haradzieja» (pieramoha) — 2,06; ničyja — 2,81; «Smalavičy» (pieramoha) — 4,4

Haradziejcy mužna bilisia tydzień tamu z BATE. Zabić u Barysavie čempijonu ažno dva hały — heta šmat čaho vartaje. Praŭda, nie abyšłosia i bieź niespraviadlivaści. Šmat kamu padałosia, što adzin z hałoŭ u varoty «cukrovych» zabivaŭsia rukoj. Niaŭžo ciapier fartuna nie addaść daŭhi kamandzie z «Haradziei»?

«Smalavičy» pakul pryciahvali da siabie ŭvahu tym, što na chatnich matčach kamandy źjaviŭsia bajanist. Dušeŭna: hladziš futboł, a pobač niechta bajan rvie. Dla samoj kamandy nie ŭsio viasiołkava, jana na adlehłaści vyciahnutaj ruki ad vyletu. Dla abodvuch kłubaŭ hulnia budzie zvyšpryncypovaj. Pieramožca choć na čas dy ŭzdychnie z palohkaj.

Prahnoz «NN»: pieramoha «Haradziei».

«Nioman» — «Pramień»

• 27.10 / 18:00. Stadyjon «Nioman»
• Kaeficyjenty: «Nioman» (pieramoha) — 1,48; ničyja — 3,8; «Pramień» (pieramoha) — 7,6

Pavialičyć

«Niomanu» paśla dźviuch parazaŭ zapar užo jaŭna nie dabracca da miedaloŭ. Kamanda moža być zadavolenaja inšaj pieramohaj — sudovaj. Arbitraž ABFF pryniaŭ rašeńnie, što bresckaje «Dynama» pavinna spłacić «Niomanu» 265 tysiač dalaraŭ za maładoha vunderkinda Paŭła Savickaha. Praŭda, pakul niezrazumieła, ci pahodzicca na heta «Dynama».

«Pramień» u vielmi-vielmi składanaj hulni vyrvaŭ usio ž pieramohu ŭ «Homiela». Hetyja try punkty duža byli patrebnyja minčukam dla vyratavańnia. I pakul što «Pramień» zajmaje prachadny 14-y radok. Praŭda, kamanda vyklikaje šmat pytańniaŭ. Svajoj publikaj u Minsku jana pachvalicca nie moža. Ci treba takaja kamanda ŭ elicie?

Prahnoz «NN»: pieramoha «Niomana».

«Tarpieda-BiełAZ» — «Šachcior»

• 28.10 / 15:00. Stadyjon «Tarpieda»
• Kaeficyjenty: «Tarpieda-BiełAZ» (pieramoha) — 2,93; ničyja — 3,15; «Šachcior» (pieramoha) — 2,43

Čatyry pieramohi zapar — i žodzinskaje «Tarpieda» ŭsio jašče ŭ liku tych kamand, jakija viaduć zmahańnie za miedali. Da treciaha miesca — siem punktaŭ. U pryncypie i niamała, ale adyhracca možna. Hałoŭnaje — pieramahać voś u takich važnych sustrečach, jak hetaja.

Nastaŭnik «Šachciora» Siarhiej Tašujeŭ rezka prajšoŭsia pa praktycy našych kłubaŭ pieranosić hulni. Rasijski śpiecyjalist vystupaje rašuča suprać takich volnaściaŭ. Kalandar, maŭlaŭ, roŭny dla ŭsich. Hulajcie i pieramahajcie. «Šachcior» na dadzieny momant — heta hałoŭny pieraśledvalnik BATE ŭ baraćbie za zołata.

Prahnoz «NN»: «Tarpieda-BiełAZ» nie sastupić.

«Dynama» (Minsk) — «Dynama» (Brest)

• 28.10 / 17:00. Stadyjon «Dynama»
• Kaeficyjenty: «Dynama-Minsk» (pieramoha) — 2,6; ničyja — 3,32; «Dynama-Brest» (pieramoha) — 2,6

Pavialičyć

Stolki ŭžo ŭ kamandach suviaziaŭ i pierasiačeńniaŭ. Voś, naprykład, Alaksiej Haŭryłovič pačynaŭ siezon u Breście, a ciapier hulaje ŭ Minsku. Arciom Bykaŭ ža pajechaŭ pa procilehłym maršrucie. Ciapier abodva ŭpeŭnienyja, što mohuć dapamahčy svaim kamandam pieramahčy ŭ takim pryncypovym supraćstajańni.

Pierad hulnioj ekskursiju pa «Dynama» praviadzie lehiendarny Eduard Małafiejeŭ. Što tyčycca Bresta, to internet byŭ uražany technikaj češskaha nastaŭnika «Dynama» Marceła Lički, jaki nie prosta pryniaŭ miač, jaki lacieŭ zdalok, ale apracavaŭ jaho i addaŭ dakładny pas. Bieraściejcaŭ na nastupnym tydni čakaje jašče ciažki matč z BATE.

Prahnoz «NN»: totał bolšy za 2,5.

«Homiel» — BATE

• 28.10 / 19:00. Stadyjon «Centralny»
• Kaeficyjenty: «Homiel» (pieramoha) — 8,8; ničyja — 4,9; BATE — 1,33

U «Homiela» čatyry parazy zapar. Nastaŭnik kamandy kaža, što kłub trapiŭ u «čornuju pałasu». Zrešty, da vyletu jašče daloka. I dumać pra heta «zialona-biełym» nie treba. Naŭrad ci ŭ takim nastroi «Homiel» budzie zdatny naviazać baraćbu čempijonu.

BATE pryjedzie na bierahi Soža paśla ciažkoha vyjezdu ŭ Łondan. Hulnia z «Čełsi», mabyć, bolš značnaja ŭ hrafiku barysaŭcaŭ. U vypadku pieramohi BATE budzie amal niemahčyma dahnać. I na šyjach hulcoŭ buduć matlacca novyja załatyja miedalki.

Prahnoz «NN»: pieramoha BATE.

TURNIRNAJA TABLICA

Dzialiciesia prahnozami ŭ kamientarach! Kali ŭpeŭnienyja ŭ svaich siłach, zrabicie staŭku ŭ Bukmiekierskaj kantory Marafon!

• 0
• 0
• 0
• 0
• 0
• 0
• 0
• 0