Mužčynskaja zbornaja Biełarusi pa handbole praviała pieršy adboračny matč da čempijanatu Eŭropy‑2010.
Mužčynskaja zbornaja Biełarusi pa handbole praviała pieršy adboračny matč da čempijanatu Eŭropy‑2010. Varta adznačyć, što ŭpieršyniu ŭ historyi handbolny adbor prachodzić na ŭzor futbolnaha, z paŭnavartasnymi hrupavymi turnirami, ź jakich na spabornictva vychodzić dźvie kamandy.
Losavańnie vyznačyła našym chłapcam u supierniki zbornyja Niamieččyny, Słavienii, Izrailu i Baŭharyi. Usie supierniki ŭ kastryčniku praviali pa dva matčy. Naša kamanda była vyzvalena ad pieršaha hulniavoha tydniu.
Bieraściejski matč ź Izrailem staŭ znakavym dla biełaruskaha handbołu jašče tamu, bo kamandu na placoŭku vyvieŭ novy trener Hieorhi Śvirydzienka. Usio ž dziela spraviadlivaści skažam, što pieramahać Izrail našy byli abaviazanyja. Tak urešcie i adbyłosia finalny śvistok zafiksavaŭ vynik — 38:31 na karyść našych chłopcaŭ. Samym vynikovym u składzie pieramožcaŭ staŭ Siarhiej Harbok na rachunku jakoha 12 hałoŭ, u Andreja Kurčava — 11.
U subotu kamandy abmianiajucca placoŭkami. Nie pamylimsia, kali skažam, što ŭ Ryšon‑Le‑Cyjonie budzie našmat ciažej.
U sieradu ŭ druhim matčy hrupy słaviency pieramahli baŭharaŭ ź likam 40:23.
Ciapier u turnirnaj tablicy stanovišča nastupnaje: Niamieččyna — 4 punkty (paśla 2 hulniaŭ), Słavienija — 4 (3), Biełaruś — 2 (1), Izrail — 2 (3), Baŭharyja — 0 (3).
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary