Prezident Turkmienistana Hurbanhuły Bierdymuchamiedaŭ na sielektarnaj naradzie ŭ paniadziełak raskrytykavaŭ kiraŭnictva dziaržkancerna «Turkmienchimija» ŭ suviazi ź situacyjaj na Harłykskim horna-abahačalnym kambinacie na zachadzie krainy, dzie paśla zapusku viasnoj 2017 hoda da hetaha času nie mohuć zapuścić vytvorčaść kalijnych uhnajeńniaŭ, paviedamlaje turkmienskaje ahienctva «Orijent». Kambinat byŭ pabudavany biełaruskim AAT «Biełhorchimpram».
Bierdymuchamiedaŭ daručyŭ vice-premjeru, jaki kuryruje pramysłovaść, vyśvietlić pryčyny stahnacyi kalijnaj vytvorčaści na pradpryjemstvie, pabudavanym biełaruskim AAT «Biełhorchimpram», i ŭ vypadku, «kali budzie vyśvietlena vina padradčyka, to Turkmienistan (…) budzie vymušany padać pazoŭ u mižnarodny arbitraž».
Harłykski kambinat pa vypusku kalijnych uhnajeńniaŭ adkryli viasnoj 2017 hoda pry ŭdziele Bierdymuchamiedava i Łukašenki paśla nieadnarazovaha pieranosu daty adkryćcia. Kantrakt na budaŭnictva koštam bolš za $1 miljard byŭ padpisany ŭ 2010 hodzie kancernam «Turkmienchimija» z AAT «Biełhorchimpram».
Prajektnaja mahutnaść kambinata — 1,4 miljona ton chłarydu kaliju za hod.
Adnak u studzieni-vieraśni 2018 hoda ŭ Turkmienistanie vyrabili ŭsiaho 24,2 tysiačy ton kalijnych uhnajeńniaŭ.
Kamientary