Biełstat štomiesiac źbiraje źviestki ab siarednim zarobku pa krainie, ab madalnym zarobku (raźmierkavańni rabotnikaŭ pa pamierach naličanaj zarpłaty) - dvojčy na hod. Arhanizacyi (akramia małych i mikraarhanizacyj) paviedamlajuć, kolki čałaviek atrymlivaje zarobak da 200 rubloŭ, kolki ad 200 da 300 rubloŭ, kolki ad 300 da 400 rubloŭ i hetak dalej. Heta značyć dyjapazon - 100 rubloŭ. Na padstavie hetych dadzienych bačna, jakaja kolkaść rabotnikaŭ traplaje ŭ toj ci inšy intervał zarpłaty, i možna raźličyć madalnaści i miedyja zarpłaty.
Tak u mai bolš za ŭsio rabotnikaŭ (12,1% rabotnikaŭ arhanizacyj abo 318 815 čałaviek;) atrymlivali zarobak u intervale ad 300 da 400 rubloŭ. Dla paraŭnańnia, u dyjapazonie ad 400 da 500 rubloŭ - 11,5%, abo 303 216 čałaviek, ad 500 da 600 rubloŭ - 11,5%, abo 302 631 čałaviek, ad 600 da 700 rubloŭ - 10,8%, abo 284 378 čałaviek, ad 700 da 800 rubloŭ - 9,8%, abo 257 449 čałaviek.
Intervał, dzie skancentravana najbolšaja kolkaść rabotnikaŭ (ad 300 da 400 rubloŭ), ličycca madalnym, i dla hetaha intervału raźličvajuć madalny zarobak. U mai 2018 hoda jon skłaŭ 394,5 rubla.
Miedyjanny zarobak u mai składaŭ 709,3 rubla (heta značyć pałova rabotnikaŭ atrymlivała zarpłatu bolš 709,3 rubla i druhaja pałova - mienš 709,3 rubla).
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam17
Kamientary