Ranicaj u niadzielu, 25 listapada, try karabli Vajenna-marskich sił Ukrainy biez dazvołu ŭvajšli ŭ terytaryjalnyja vody Rasii i nakiravalisia da Kierčanskaha praliva, paviedamili ŭ FSB. U Kijevie zajavili ab taranie adnaho sa svaich karabloŭ, piša RBK.
Try ŭkrainskija vajennyja karabli ŭvajšli ŭ terytaryjalnyja vody Rasii i praciahnuli ruch da Kierčanskaha pralivu, zajavili ŭ FSB.
U FSB adznačyli, što zajaŭki na prachod karabloŭ padadzienyja nie byli, u hrafik prachodu karabloŭ jany nie ŭklučany. «Karabli niebiaśpiečna manieŭrujuć, nia padparadkoŭvajucca zakonnym patrabavańniam rasiejskich uładaŭ», - dadali ŭ FSB.
U toj ža čas u paviedamleńni na sajcie kamandavańnia Vajenna-marskich sił Ukrainy havorycca, što karabli ŭ składzie dvuch małych braniavanych artyleryjskich kateraŭ «Biardziansk» i «Nikapal» i rejdavaha buksira «Jany Kapu» ažyćciaŭlali płanavy pierachod z porta Adesy da porta Maryupal Azoŭskaha mora.
Ukrainski bok zajaŭlaje, što pradastaviŭ infarmacyju ab prachodzie karabloŭ zahadzia, a rasijskija karabli ździejśnili «adkryta ahresiŭnyja dziejańni suprać karabloŭ VMS VS Ukrainy». «Pahraničny karabiel «Don» ździejśniŭ taran našaha rejdavaha buksira, u vyniku jakoha paškodžany hałoŭny ruchavik karabla, abšyŭka i lejernaja aharodža, stračany vyratavalny płyt», - zajavili ŭ VMS Ukrainy.
VMS Ukrainy apublikavali fota sutyknieńnia.
Ukrainskija karabli praciahvajuć ruchacca pa Kierčanskim pralivie.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary