FSB Rasii apublikavała videazapis dopytu ŭkrainskich vajskoŭcaŭ, zatrymanych padčas kanfliktu ŭ Kierčanskim pralivie. Adzin z dapytanych nazyvajecca jak Andrej Drač. Jon prysutničaŭ na katary «Nikapal», jaki staŭ udzielnikam incydentu ŭ Azoŭskim mory, piša RBK.
Dračoŭ začytaŭ z papierki padrychtavany tekst, što ŭkrainskich marakoŭ papiaredzili ab parušeńni dziaržaŭnaj miažy Rasii.
«23 listapada atrymaŭ zadaču prytrymlivacca maršrutu Adesa — Maryupal praz Kierčanski praliŭ <…> My zajšli ŭ terytaryjalnyja vody RF, dzie nas papiaredžvała bierahavaja achova RF, što my parušajem zakanadaŭstva RF», — skazaŭ jon, dadaŭšy, što bierahavaja achova nieadnarazova papiaredziła ŭkrainskija karabli ab nieabchodnaści pakinuć rasijskija terytaryjalnyja vody.
U FSB zapeŭnivajuć, što Andrej Drač źjaŭlajecca staršym lejtenantam, apierupaŭnavažanym 7-ha ŭpraŭleńnia Hałoŭnaha ŭpraŭleńnia vajennaj kontrvyviedki SBU.
Jaho słovy paŭtaryŭ taksama dapytany kamandor-sihnalščyk, matros katara «Nikapal» Siarhiej Cybizaŭ. Jon raspavioŭ, što karabli 23 listapada vyjšli z Adesy, a pry zachodzie ŭ terytaryjalnyja vody Rasii pahransłužba zahadała im spynicca i čakać dalejšych ukazańniaŭ.
«My dalej išli, išli, z nami źviazalisia ruskija karabli, paprasili spynicca, a to pa nas adkryjuć taksama [ahoń], — skazaŭ Cybizaŭ. — Kamandzir spyniŭ katar, i nas źniali z katara, i ŭsio».
Kamientary