Kasir abmiennaha punkta adnaho ź minskich bankaŭ vyjaviła ŭ kancy źmieny niastaču ŭ 27 tysiač rasijskich rubloŭ (960 rubloŭ). Jana praanalizavała ŭsie apieracyi i vyśvietliła, što a druhoj hadzinie nočy vydała klijentu lišnija 960 biełaruskich rubloŭ. «Dla majoj siamji heta vielmi vialikaja suma», — skardzicca žančyna i prosić adhuknucca čałavieka, što zabraŭ hrošy.
— Z 22 pa 23 listapada ja pracavała ŭ abmiennym punkcie na vakzale, i ŭ kancy pracoŭnaha dnia pry pieraliku kasy vyjaviła niastaču. U pieravodzie na biełaruskija — 960 rubloŭ, dla majoj siamji heta vielmi vialikaja suma, — raspaviadaje dziaŭčyna.
Praanalizavaŭšy ŭsie apieracyi, kasir vyśvietliła, što dapuściła pamyłku ŭ 01.40 nočy. U toj momant klijent pieradaŭ joj 3050 rasijskich rubloŭ dla abmienu na biełaruskija rubli. Adnak dziaŭčyna praviała apieracyju na 30 050 rubloŭ
— Klijentu była ahučana suma, jon ź joj zhadziŭsia. Zatym, nie pieraličvajučy hrošy kala kasy, syšoŭ u nieviadomym kirunku. U vyniku mužčyna zamiest 96 rubloŭ atrymaŭ 960 rubloŭ, — dadaje kasir.
Pa kamierach videanazirańnia ŭdałosia vyśvietlić, što ŭ klijenta ŭ kašalku lažaŭ pašpart hramadzianina Respubliki Biełaruś. «Na vyhlad chłopiec 22—26 hadoŭ, vałasy i brovy ciomnyja. Kurtka čornaja, karyčnievyja boty», — apisvaje klijenta dziaŭčyna i prosić jaho vyjści na suviaź.
U banku infarmacyju ab niastačy paćvierdzili.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary