Trapiŭšy u sankcyjny śpis ZŠA, Viktar Bajarkin zamiašany nie tolki ŭ finansavańni niejkaj partyi ŭ Čarnahoryi, ale i źviazany z kampanijaj Trampa, piša Time. Eks-raźviedčyk, pa jaho źviestkach, byŭ pasiarednikam pamiž Manafortam i Dzierypaskam.
Były aficer HRU Viktar Bajarkin, suprać jakoha ZŠA ŭ śniežni ŭviali sankcyi, byŭ źviazany z prezidenckaj kampanijaj ciapierašniaha kiraŭnika ZŠA Donalda Trampa, vyśvietliŭ Time. Zhodna z praviedzienym im rasśledavańniem Bajarkin «źjaŭlaŭsia klučavym suviaznym źvianom» pamiž eks-kiraŭnikom pieradvybarčaha štaba Trampa Połam Manafortam i rasijskim biznesmienam Aleham Dzierypaskam (apošniaha vydańnie nazyvaje «mahutnym sajuźnikam prezidenta Rasii Uładzimira Pucina»).
Bajarkin, jak pakazvaje Time, hetaj vosieńniu daŭ pieršaje intervju srodkam masavaj infarmacyi. U hutarcy z pradstaŭnikami časopisa eks-raźviedčyk, pa dadzienych vydańnia, pryznaŭ, što padčas prezidenckaj kampanii 2016 hoda ŭ ZŠA «byŭ na suviazi» z Manafortam ad imia Dzierypaski. «Jon [Manafort] zavinavaciŭsia nam šmat hrošaj. I jon prapanoŭvaŭ sposaby, jakimi moh by viarnuć ich», — cytuje Time Bajarkin.
Da viasny 2016 hoda, kali Manafort dałučyŭsia da kampanii ciapierašniaha kiraŭnika ZŠA, jon «byŭ amal złamany», tłumačyć vydańnie. Vieteran-palittechnołah, pa jaho dadzienych, da hetaha času mieŭ daŭhi na miljony dalaraŭ. Na hetyja hrošy Manafort kuplaŭ raskošnuju nieruchomaść, adzieńnie, aŭtamabili i antykvaryjat. Pavodle sudovych materyjałaŭ suprać Manaforta ŭ ZŠA i na Kajmanavych vyspach, u hety ž pieryjad jon byŭ vinien «bosu Bajarkina», Alehu Dzierypasku, adznačaje vydańnie. Z kiraŭnika pieradvybarčaha štaba Trampa rasijski biznesmien, pavodle jaho infarmacyi, patrabavaŭ hrošaj za niaŭdałuju kamiercyjnuju ździełku na Ukrainie i pa inšych kantraktach.
Rola Bajarkina u spravie była ŭ tym, kab hetyja srodki ŭ Manaforta zabrać. «Ja mocna nacisnuŭ na jaho», — raspavioŭ Time eks-aficer HRU, adnak heta akazałasia małaefiektyŭnym. U pietycyi, zarehistravanaj jurystami Dzierypaski ŭ 2014 hodzie na Kajmanavych vyspach, śćviardžajecca, što Manafort i jaho tahačasny partnior «prosta źnikli» z $ 19 młn, jakija im daŭ rasijski biznesmien.
U krasaviku 2016 hoda, kali imia Manaforta stała źjaŭlacca ŭ amierykanskich hazietach, jon biaspłatna dapamahaŭ kampanii Trampa ŭ jakaści daradcy. Pry hetym usiu infarmacyju, jakoj vałodaŭ Manafort, jon pieradavaŭ «svajmu daŭniamu zastupniku ŭ Maskvie» Dzierypasku, zaŭvažaje Time. U sieryi jahonych listoŭ rasijskamu pradprymalniku, jakija vosieńniu minułaha hoda rassakrecili The Atlantic i Washington Post, Manafort zhadvaje čałavieka, asobu jakoha aficyjna tak i zastałasia nieviadomaj, zaŭvažaje Time. «Naš siabar V.», — piša supracoŭnik pieradvybarnaj kampanii Tramp. Časopis miarkuje, što tak Manaforta nazyvaje Bajarkin.
Sam Manafort, jak nahadvaje Time, paśla adkryta pryznavaŭsia, što «pracavaŭ na Dzierypasku», u tym liku ŭ «prajekcie refierendumu ŭ Čarnahoryi, jaki dazvoliŭ by hetaj krainie stać členam ES». Ab padobnaj mahčymaści Manafort adhukaŭsia jak pra «miery, suprać jakoj vystupaje Rasija».
Aficyjna mienavita z-za pracy ŭ Čarnahoryi (pa dadzienych Minfina ZŠA, Bajarkin razam ź Dzierypaskam finansavali ŭ hetaj krainie nienazvanuju partyju padčas vybaraŭ ŭ 2016 hodzie) Vašynhton u śniežni uvioŭ sankcyi suprać byłoha raźviedčyka z Rasii.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary