Lidar «Maładoha frontu» nazvaŭ Łukašenku «haŭ…kom». Ekśpiertyza paličyła heta nie abrazaj, a miemam
U lipieni 2018 hoda na Dzianisa Urbanoviča, jaki niadaŭna ŭznačaliŭ «Małady front», napisali zajavu ŭ milicyju za abrazu kiraŭnika dziaržavy.
«Heta było la restarana «Pajedziem, pajadzim» u Kurapatach. Była sprečka ź dźviuma pjanymi dziaŭčynami, jakija ŭsio zdymali na videa. Jany kazali, što Łukašenka chutka z nami ŭsimi raźbiarecca. Tady ja trochu na emocyjach voś tak vykazaŭsia pra našaha prezidenta. Chvilin praź piać paśla hetaha da mianie padyšli supracoŭniki milicyi», — raskazvaje Urabanovič.
Chłopiec kaža, što nie chadziŭ na ekśpiertyzy pa hetaj spravie. «Usiaho było try ekśpiertyzy: u vieraśni, kastryčniku i śniežni. Składu złačynstva ŭ maich słovach nie ŭhledzieli. U rašeńni havorycca, što ja nie abražaŭ, a vykarystaŭ miem», — raskazvaje Urbanovič.
Napiaredadni Novaha hoda chłopiec atrymaŭ adrazu dva listy z admovami ad zaviadzieńnia kryminalnaj spravy. Adzin — z RUUS Minskaha rajona, druhi — z Baraŭlanskaha adździeła milicyi. «U vyniku praviedzienaj pravierki było pryniata rašeńnie ab admovie ŭ zaviadzieńni kryminalnaj spravy», — havorycca ŭ aficyjnych dakumientach.
Dzianisu Urbanoviču 29 hadoŭ, a rodam jon ź Michałkavič Łahojskaha rajona, aktyŭny abaronca Kurapataŭ.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary