Adkaz niezaležnaha prafcajuza «Naftana» na abvinavačvańni ideołaha: Prosta my chočam vyrašać pytańni zakonnna, a nie šantažom i ciskam
«Naša Niva» pisała pra zdareńnie, adnym z udzielnikaŭ jakoha staŭ ideołah navapołackaha «Naftana». Źjaviłasia infarmacyja, što čynoŭnik u niećviarozym stanie naskočyŭ na bardziur na svaim aŭto. Sam čynoŭnik čutki abvier, zajaviŭšy, što ačarnieńnie jaho asoby moža być vyhadna niezaležnamu prafsajuzu, jaki pracuje na pradpryjemstvie. U redakcyju «Našaj Nivy» źviarnuŭsia Maksim Paźniakoŭ, namieśnik staršyni pieršasnaj arhanizacyi Biełaruskaha niezaležnaha prafsajuzu rabotnikaŭ AAT «Naftan», bo jaho začapili słovy načalnika. Pryvodzim jaho adkaz.
Tema: Navapołacki ideołah niećviarozym najechaŭ na bardziur?
Dobry dzień, pavažanaja redakcyja, chočam padziakavać vam za vaš artykuł pra ideołaha zavoda «Palimir» Siarhieja Brykuna.
U suviazi z tym, što ŭ jaho vykazvańniach była zakranutaja naša arhanizacyja — Biełaruski Niezaležny prafsajuz rabotnikaŭ AAT «Naftan», — my b chacieli ŭ praciah historyi vykazać svajo mierkavańnie pra heta.
Pierš za ŭsio, nam chaciełasia b padziakavać Siarhieju Kanstancinaviču Brykunu za rekłamu. Mabyć, u jaho sapraŭdy niešta zdaryłasia, kali my ŭdastoilisia honaru być prapiaranymi na ŭsiu krainu.
Davać acenku zdareńniu ź jaho udziełam my nie budziem. Chaj heta robiać pravaachoŭnyja orhany, dyrekcyja zavoda i ŭłady horada. Dy i ŚMI užo ŭsio napisali.
Što tyčycca zakonnych mietadaŭ pracy ź niezaležnym prafsajuzam, pra jakija kazaŭ Siarhiej Kanstancinavič, to jany dobra viadomyja na našym pradpryjemstvie. Sotni členaŭ našaha prafsajuza vyprabavali ich na sabie. Šantaž, cisk i zapałochvańnie.
Tamu my sapraŭdy chočam vyrašać pytańni «inakš», z vykanańniem zakanadaŭstva Biełarusi ab pracy, prafsajuza i kanviencyj Mižnarodnaj arhanizacyi pracy.
Budziem vielmi ŭdziačnyja za publikacyju.
Z pavahaj, Maksim Paźniakoŭ, namieśnik staršyni pieršasnaj arhanizacyi Biełaruskaha niezaležnaha prafsajuzu rabotnikaŭ AAT «Naftan»
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary