18 studzienia va Upraŭleńni Biełaruskaj čyhunki adbyłosia padpisańnie kantraktu z kampanijaj ZAT «Štadler Minsk» na zakupku elektraciahnikoŭ dla mižrehijanalnych linij biźnies-kłasa.
Biełaruskaja čyhunka nabudzie da 2021 hoda 10 sučasnych piacivahonnych elektraciahnikoŭ sieryi EPM pieramiennaha toku z maksimalnaj chutkaściu 160 km/h. Pastaŭka pieršaha elektraciahnika zapłanavanaja na kaniec 2020 hoda. Dla realizacyi dadzienaha inviestycyjnaha prajekta płanujecca pryciahnuć kredytnyja resursy viadučych zamiežnych bankaŭ.
Bazavaj madellu dla raspracoŭki novych elektraciahnikoŭ stanuć siemivahonnyja elektraciahniki sieryi EPM, jakija paśpiachova kursirujuć pa Biełaruskaj čyhuncy sa žniŭnia 2016 hoda pa maršrucie Minsk—Homiel.
Daŭžynia novych sastavaŭ składzie 92 960 mm, šyrynia kuzava — 3 480 mm. U ciahniku praduhledžana 260 miescaŭ dla siadzieńnia 1 i 2 kłasa. U zonie 1 kłasa (padvyšanaj kamfortnaści) raźmieścicca 16 miescaŭ. Tut praduhledžany kamfartabielnyja kresły sa śpinkaj, što rehulujecca pa vuhału nachiłu, indyvidualnyja padłakotniki. Zona 1 kłasa adździelenaja šklanoj pieraharodkaj z elektryčnym pryvadam. U pasažyrskim sałonie 1 kłasa buduć ustanoŭleny knopki vykliku pravadnika, pry nacisku jakich u kupe pravadnika vydajecca aŭdyjo-videasihnał. Praduhledžany miescy dla raźmiaščeńnia bujnahabarytnaha bahažu, harderob dla vierchniaha adzieńnia.
U sałonach 2 kłasa buduć ustanoŭleny miakkija siadzieńni z padłakotnikami pa sistemie «3 + 2».
Admietnaj asablivaściu novych ciahnikoŭ stanie najaŭnaść u pasažyrskim sałonie aŭtamatyčnych sistem (aparataŭ) pa prodažy praduktaŭ charčavańnia, haračych i achaładžalnych napojaŭ.
Elektraciahniki buduć abstalavany sistemaj biespravadnoha dostupu da sietki Internet (WI-FI), a taksama sistemaj uzmacnieńnia sihnału GSM.
Kamientary