Ideołah «Biełaruśkalija» patłumačyła, čamu zapytałasia ŭ Kačanavaj pra biełaruskuju movu na telebačańni
Administracyja prezidenta pastaviła ajčynnym telekanałam zadaču — mieć nie mienš za 30% kantentu na biełaruskaj movie. Pra heta zajaviła kiraŭnica Administracyi Natalla Kačanava na sustrečy z rabotnikami «Biełaruśkalija».
Čytajcie.
Kačanava zajaviła, što nie mienš za 30% kantentu telekanałaŭ pavinna vychodzić na biełaruskaj movie? Ejsmant: Nie, žurnalisty nabłytali
«Naša Niva» pravieryła hetuju infarmacyju ŭ Natalli Navickaj — načalnicy adździeła ideałohii «Biełkalija», jakaja i zadavała pytańnie.
Jak jano hučała?
«Ja pytałasia nie zusim pra movu na kanałach. Ja skazała, što voś jość prahrama «Dobraj ranicy, Biełaruś». I było b vydatna, kab chacia b raz u tydzień jana była pa-biełarusku. Ja lublu našu movu, jaje pryjemna słuchać — pryhožuju, pravilnuju movu. Heta byŭ by niejki dobry adukacyjny prajekt navat, bo ranicaj kali my i nie hladzim televizar, to prynamsi słuchajem, i ludzi b čuli movu bolš, čym čujuć u realnym žyćci. Nu i haściam našaj krainy było b pryjemna pasłuchać biełaruskuju movu, kali jany ŭklučać televizar u haściach. Ja niejak raniej nie zadumvałasia, ale kali maja dačka pryjšła z sadka i pačała havaryć pa-biełarusku, to mnie tak spadabałasia… I va ŭniviersitet jana zdavała biełaruskuju movu!» — patłumačyła Natalla Navickaja.
Jana kaža, što dakładny adkaz Kačanavaj užo nie ŭspomnić, ale, maŭlaŭ, taja skazała, što prapanova słušnaja i nad hetym užo pracujuć.
«Vielmi šmat raskazvała i pra biełaruskija tradycyi», — apisała vystup Kačanavaj ideołah «Biełkalija».
«A što my na svaim pradpryjemstvie robim? Voś u hety momant pierakładajem sajt na biełaruskuju movu. U nas 11 dziciačych sadkoŭ, tam praduhledžanyja abaviazkovyja zaniatki pa-biełarusku. Usie rabočyja błanki ŭ nas dublujucca [na dźviuch movach], praŭda, zapaŭniajem zbolšaha pa-rusku. Taksama naš kalektyŭ rehularna vyjazdžaje na roznyja adukacyjnyja i kulturnickija mierapryjemstvy. Naprykład, na Kupalle ŭ nas usio pa-biełarusku», — zapeŭniła Natalla Navickaja.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary