Va ŭkrainskuju palicyju ŭ minuły čaćvier patelefanavaŭ hramadzianin Biełarusi. Jon paviedamiŭ, što ŭ lesie padčas prypynku prapaŭ ich dvanaccacihadovy spadarožnik i prasiŭ adšukać jaho, piša hazieta Voliń-nova.
Incydent adbyŭsia ŭnačy, na mižnarodnaj trasie Brest — Koviel, pablizu punkta propusku «Damanava». Na miesca zdareńnia adrazu ž pryjechali pravaachoŭniki.
Jak vyśvietliłasia, hrupa biełarusaŭ dvuma aŭtamabilami jechała va Ukrainu. Pierasiakajučy miažu ŭ Damanavie, u lesie jany spynilisia pa nieabchodnaści. Prahulaŭšysia, rušyli dalej. Dajechali da vioski Kapačoŭka, što ŭ Ražyščanskim rajonie. I tolki tady ŭspomnili, što ź imi jedzie dvanaccacihadovy chłopčyk Ryhor. Ale ni ŭ adnoj z mašyn jaho nie akazałasia. Padniali tryvohu. Pa dapamohu pryjšłosia nieadkładna źviarnucca ŭ Ratnaŭski adździeł palicyi.
Pošuki palicejskich u toj akruzie byli biezvynikovymi. Pajechali ŭ punkt propusku. Tam, u adnoj z kram, prapažu i znajšli. Ryhor spakojna stajaŭ i hreŭsia, čakajučy, što svajaki ŭsio ž taki ŭspomniać pra jaho. Chłopčyk, zrazumieŭšy, što na načnoj lasnoj darozie zastaŭsia ŭ adzinocie, sam nakiravaŭsia ŭ punkt propusku «Damanava».
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary