U Paryžy padčas apieracyi pa pavieličeńni pałavoha člena pamior bielhijski pradprymalnik Echud Ary Łańjado. Pra heta paviedamlaje vydańnie Daily Mail.
Pryčynaj śmierci staŭ sardečny prystup, jaki pačaŭsia paśla injekcyi ŭ hienitalii. Miedyki sprabavali reanimavać 65-hadovaha miljardera, ale nie zmahli jamu dapamahčy. Kampanija Omega Diamonds, jakuju ŭznačalvaŭ niabožčyk, paćvierdziła jaho śmierć. Čakajecca, što Łańjado pachavajuć na radzimie — u Izraili.
Echud Łańjado zrabiŭ kapitał na handli kaštoŭnymi kamianiami i ličyŭsia adnym z najbujniejšych ekśpiertaŭ pa acency dyjamientaŭ. U 2015 hodzie miljarder pradaŭ na aŭkcyjonie redki bryljant «Błakitny miesiac Žazefiny» masaj 12,03 karata za 48,4 miljona dołaraŭ. Siarod inšaha, jamu naležaŭ samy darahi pientchaŭs ŭ Manaka, jaki kaštavaŭ kala 35 miljonaŭ jeŭra.
Niahledziačy na bahaćcie, miljarder vielmi saromieŭsia nievialikaha rostu, piša Daily Mail sa spasyłkaj na pryjaciela niabožčyka.
«Jon pierastavaŭ dumać pra rost tolki na toj čas, pakul buchhałtar pa jaho prośbie začytvaŭ infarmacyju ab jaho bankaŭskim rachunku, što adbyvałasia šmat razoŭ na dzień», — śćviardžaje jon.
Kamientary