Čarhovy fakt vandalizmu ŭ Kurapatach zafiksavali aktyvisty, jakija pikietujuć restaracyju «Pojediem pojedim» kala narodnaha memaryjału, paviedamlaje «Radyjo Svaboda».
«Siońnia ŭbačyli, što pavalenyja adrazu 14 kryžoŭ, niekatoryja z metaličnymi ražkami, — paviedamiŭ sustaršynia BCHD Pavał Sieviaryniec. — To bok heta dakładna nia prosta prachodzili ŭzdoŭž i nahoj pnuli staryja kryžy, a metanakiravana pavalili hetak šmat».
Pavodle Sieviarynca, pavalenyja kryžy znachodziacca kampaktna ŭ dvuch miescach: pamiž restaracyjaj i memaryjalnym znakam 6 kryžoŭ i jašče 8 — za kryžom-pomnikam Vacłavu Łastoŭskamu.
Pavał Sieviaryniec nie vyklučaje, što heta była akcyja, skiravanaja na pastupovaje źniščeńnie ŭsich kryžoŭ na terytoryi Kurapackaha lesu.
«Novy paradak — ciapier navat, kab adramantavać kryž, patrebna ŭzhadnieńnie ź miascovymi ŭładami i ministerstvam kultury. Dyk kali hetak pojdzie — pa 14 kryžoŭ źniščajuć adrazu — chutka moža ničoha i nie zastacca. Mahčyma, heta nas takim čynam praviarajuć, ci nie sastupim», — skazaŭ Pavał Sieviaryniec.
Pavodle aktyvistaŭ, u narodnym memaryjale bolš za tysiaču kryžoŭ. U listapadzie 2018 hodu ŭ Kurapatach na ŭzvyššy, prazvanym Hałhofaju, ustalavali aficyjny memaryjalny znak, jaki zamoviła Federacyja prafsajuzaŭ Biełarusi, a kantralavała pracy ministerstva kultury. Znak dahetul uračysta nie adkryty.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina15
Kamientary