Trenier BATE pra niaŭdačy Saroki: Tysiača zorak-miljanieraŭ pramachvajecca

Hałoŭny trenier BATE Alaksiej Baha prakamientavaŭ pressball.by chatniuju parazu ad bresckaha «Dynama» (0:1) u matčy 3-ha tura čempijanatu krainy.

Jaki byŭ płan na hulniu, i ci zadavolenyja vy, jak kamanda jaho vykanała?

My prajhrali - zadavolenym być nielha. Nie realizavali svaje momanty: možna narakać tolki na siabie. U takich matčach momantaŭ šmat nie byvaje. Hlejkaja, kantaktnaja hulnia, surjozny apanient. Treba było realizoŭvać svaje momanty.

Suprać Mileŭskaha piersanalna hulaŭ Simaviča. Čamu?

Nie skažu, što jon jaho apiekavaŭ. Prosta pa pazicyi tak vyjšła. Mileŭski hulaje «dziasiatku», a Simavič nižni apornik. Vializnyja matematyčnyja formuły tut nie vyvodzilisia. Prosta byŭ zrobleny vybar na karyść tych, chto vyjšaŭ na pole. Dvaccać čałaviek trenirujucca, u lubym vypadku chtości nie zhulaje, chtości vyjdzie na zamienu, chtości zastaniecca pa-za zajaŭkaj.

Z-pad Simaviča byŭ zabity hoł. Źjaviłasia ŭ vas adčuvańnie, što nie chapiła Jabłonskaha, jaki ŭ minułym sustrečy nie daŭ Mileŭskamu razharnucca?

Heta ŭsio nastolki adnosna. Kali b ja viedaŭ prykup… Vy ž viedajecie. Kali kazać pra Supierkubak, to Filipoviča nie treba było stavić, jaki zabiŭ u svaje varoty. Heta ŭsio pytańnie ŭ pavietra.

Razumiejecie pryrodu promachaŭ Antona Saroki?

Nie treba rabić trahiedyi z hetaha i zavastrać uvahu. Tysiača futbalistaŭ, tysiača zorak-miljanieraŭ pramachvajecca, nie zabivaje penalci. Tym futboł i cikavy. Anton zrabiŭ dobruju pracu. Samaje hałoŭnaje, što hetyja momanty ŭ jaho byli. Jon znachodziŭsia tam, dzie pavinien byŭ. I partniory znachodzili jaho pieradačami. Tak, siońnia jon nie dapamoh, ale napieradzie jašče doŭhi šlach. Heta tolki treci tur.

Vam padałosia, što paśla druhoha promachu jon trochi paniknuŭ?

Takoje bje pa psichałohii luboha čałavieka. Napeŭna kapaŭsia ŭ sabie, uźnikali dumki ŭ hałavie. Razumieje, što zrabiŭ nie vielmi dobra dla kamandy. Značyć, niama abyjakavaści - užo pryjemny fakt.

U zapasie nie było nivodnaha čystaha napadnika. Čamu ŭ zajaŭku nie patrapiŭ Dubaič?

U jaho paškodžańnie. Litaralna za dva dni da hulni jon paškodziŭ halenastop. Ničoha surjoznaha, ale paškodžańnie jość.

U BATE vysoka hulajuć krajnija abaroncy. Čamu ŭ hety raz nie spracavała zadumka?

Toje, što nie zhulała, vielmi adnosna. Heta narmalnaja tendencyja sučasnaha futboła. Prosta pavinien być bałans: kali adzin atakuje, to zališnie nielha raskryvacca. Ale my zanadta raskrylisia tolki ŭ kancoŭcy, kali treba było ratavać hulniu.

• 0
• 0
• 0
• 0
• 0
• 0
• 0
• 0