29-hadovaja žurnalistka i piśmieńnica Lira Maki zahinuła padčas biesparadkaŭ u horadzie Łondandery ŭ Paŭnočnaj Irłandyi, paviedamiła miascovaja palicyja ŭ tvitary.
Jak paviedamlaje «Bi-bi-si», čałaviek u mascy stralaŭ pa palicyjantach i paraniŭ Liru Maki, jakaja stajała la aŭtamabila palicyi. Paranienuju žančynu pavieźli ŭ balnicu, daktary nie zdoleli jaje vyratavać.
Biesparadki ŭ mikrarajonie Łondandery pačalisia paśla taho, jak palicyja praviała pieratrus u pryvatnym domie, raspaviała žurnalistka Leona O'Nił. Pratestoŭcy padpalvali mašyny i zakidvali palicejskich kamianiami i butelkami.
U palicyi zajavili, što rasceńvajuć stralbu, padčas jakoj zahinuła Lira Maki, jak «terarystyčny akt». U jaje zabojstvie padazrajuć udzielnikaŭ arhanizacyi «Novaja IRA».
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka11
Kamientary