5-ja sieryja sieryjała «Zona zmroku»: cikavaje supadzieńnie z realnaj padziejaj

Vyjšła piataja sieryja sieryjała «Zona zmroku», jakaja raspaviadaje ab vybarach prezidenta ZŠA. Hałoŭny hieroj palittechnołah pravalvaje pieradvybarčuju kampaniju dziejučaha prezidenta. Raśpivajučy ŭ bary ad sumu, bačyć rolik adzinaccacihadovaha Oliviera, jaki zajaŭlaje ab žadańni iści ŭ prezidenty. Rolik sabraŭ 8 młn prahladaŭ na YouTube. Hučyć fraza naviedvalnikaŭ bara: «Uličvajučy toje łajno, što adbyvajecca ŭ Vašynhtonie, ja b jaho vybraŭ». — «Ja taksama, mnie padabajecca što jon kaža, taki miłacha». I hałoŭny hieroj biarecca za kampaniju chłapčuka.

Sutnaść vybarčaj kampanii: «Olivier na adnoj chvali z narodam». Abiacańni Oliviera: «praca dla ŭsich, doŭhija vychadnyja i kanikuły, lepšaje pavietra, mienš vojnaŭ, sabak sabačnikam i katoŭ kašatnikam, biaspłatnyja videahulni dla ŭsich». U chodzie kampanii hučyć: «da čorta debaty». Darečy Olivier debaty prajhraje, ale potym na puskajučym ślazu roliku i abiacańni «kali vy mianie vybieracie, to ja ataču siabie samymi dobrymi i razumnymi ludźmi» Olivier vyjhraje vybary.

Paralel z vybarami va Ukrainie naprošvajecca sama saboj.

Cikava, ci buduć paraleli z pavodzinami Oliviera ŭ jakaści prezidenta.

Upieršyniu zajšoŭšy ŭ avalny kabiniet, Olivier pramaŭlaje: «Heta tak kruta! [biare trubku telefona] Heta prezident. Razbambić Rasiju! Prosta žartuju, nia napružvajciesia».

Dalej hutaryć z supracoŭnikami svajho aparata:

— Ja pavinien vykanać svaje pieradvybarčyja abiacańni. Pa-pieršaje, biaspłatnyja videahulni dla ŭsich amierykancaŭ.

— [kaža jaho mama] Olivier, miły, ja nie dumaju, što my možam heta zrabić, bo jość ža zakony, Kanhres.

— Ale ja abiacaŭ usim biaspłatnyja videahulni, i vy, kiraŭnik aparata, pavinny pakłapacicca pra heta.

— [kiraŭnik aparata] Ja nie ŭpeŭnieny, što Kanhres na heta pojdzie, mistar prezident, asabliva ŭ śviatle ciapierašniaha dziarždoŭhu. I da taho ž kampanii nie stanuć prosta dobraachvotna razdavać usim hulni.

— Ale im pryjdziecca, ja daŭ abiacańnie, tamu, jany razdaduć hulni kožnamu amierykancu abo my ŭviadziem padatak na miljon dalaraŭ na hiejmboj i vybjem ich ź biznesu za adzin dzień. Narod prahałasavaŭ i my pavinny dać jamu toje, što abiacali.

— [palittechnołah] moža nam varta pačakać z hetaj temaj videahulniaŭ, pakul vy nie asvoilisia?

— Ja ŭžo asvoiŭsia i viedaju što chaču, a vy chłopcy zrobicie heta dla mianie, ci ja znajdu inšych ludziej, jakija heta zrobiać, u nas nie budzie niedachopu ludziej, jakija žadajuć papracavać na novaha prezidenta.

— [supracoŭnik aparata] pryjšoŭ čas vašaha miedahladu. Vybačajcie, ale Kanhres patrabuje, kab prezident štohod prachodziŭ miedahlad.

— Nu dyk raspuścicie Kanhres!

Palittechnołah, uśviedamlajučy pamyłku ŭ svaich spadziavańniach na Oliviera, źviartajecca da ministra abarony: «Tabie nie zdajecca, što prezident trochi dzicia, raśpieščanaje dzicia, samaje raśpieščanaje dzicia na śviecie?» Na što ministr adkazaŭ: «Jon hałoŭnakamandujučy. Jon kaža skakać, ja pytajusia: nakolki vysoka. I mnie plavać, što jon dzicia, jaho rejtynh zaškalvaje!».

U vyniku, palittechnołah, jaki pačaŭ piarečyć Olivieru, byŭ zastreleny na padstavie taho, što jon napaŭ na prezidenta Oliviera.

Na pačatku dopisu skazana, maŭlaŭ, cikavaje supadzieńnie. Ale takija supadzieńni buduć usio čaściej, dy i ŭžo nie supadzieńni, a uzajemapranikajučyja elemienty ciapierašniaj realnaści.

Raniej šou ŭźnikali ci ŭzdymalisia na znakavych padziejach, ciapier ža padziei sparadžajucca televizijnymi šou i internet-kantentam.

• 0
• 0
• 0
• 0
• 0
• 0
• 0
• 0