Supracoŭniki adździeła pa baraćbie z ekanamičnymi złačynstvami Kastryčnickaha RUUS Minska zatrymali z dokazami złačynstva za atrymańnie chabaru načalnika biuro adnaho z bujnych pramysłovych pradpryjemstvaŭ stalicy, paviedamili BIEŁTA ŭ HUUS Minharvykankama.
Mužčyna zajmaŭsia zaklučeńniem damovaŭ na zakup kamplektujučych materyjałaŭ, arhanizoŭvaŭ ich dastaŭku na skład. U adździeł zakupak pastupała zajaŭka na nieabchodnyja kamplektujučyja, paśla čaho fihurant analizavaŭ i rassyłaŭ infarmacyju arhanizacyjam, jakija zajmajucca ich pastaŭkaj. Paśla pastupleńnia prapanoŭ ad kontrahientaŭ musiła vybiracca arhanizacyja, jakaja prapanoŭvała najmienšy košt.
«U siaredzinie 2018 hady mužčyna paznajomiŭsia ź minčukom, jaki pa davieranaści pradstaŭlaŭ intaresy svajoj žonki, zarehistravanaj u jakaści indyvidualnaha pradprymalnika, ad imia jakoj i ažyćciaŭlałasia pastaŭka nieabchodnych materyjałaŭ na pradpryjemstva. U adzin ź dzion načalnik biuro pryjechaŭ dadomu da minčuka pa kamplektujučyja. Toj pieradaŭ jamu chabar — u jakaści padziaki za toje, što byŭ abrany dla pastaŭki. U listapadzie 2018 hoda situacyja paŭtaryłasia, pry hetym suma ŭznaharodžańnia vyrasła», — raspaviali ŭ HUUS.
Zatrymali načalnika biuro z dokazami złačynstva. «Pravaachoŭniki atrymali infarmacyju ab jaho namiery atrymać čarhovy chabar. Paśla taho jak hrošy byli pieradadzienyja, apieratyŭniki zatrymali słužbovuju asobu. U dačynieńni da jaho raspačata kryminalnaja sprava», — paviedamili ŭ milicyi.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary