Hałoŭny doktar Śvietłahorskaj balnicy prosić u haradžan hrošaj na abstalavańnie i ramont — u biudžecie ich niama
Hałoŭny doktar Śvietłahorskaj CRB Ihar Taŭtyn u intervju «Śvietłahorskim navinam» raspavioŭ pra harotny stan miedycyny ŭ rajonie i paprasiŭ ludziej materyjalnuju dapamohu.
Pavodle miedyka, ramontu patrabujuć budynki dziciačaj balnicy i rajonnaj palikliniki.
— Zrazumieła, što zrabić chaciełasia b usio adrazu i pry hetym — jakasna. Ale, na žal, tak nie byvaje. I adna z asnoŭnych pryčyn — adsutnaść biudžetnych srodkaŭ dla hetaha artykuła vydatkaŭ. Prychodzicca zarablać samim, — rastłumačyŭ situacyju Ihar Taŭtyn.
Śpiecyjalist paprasiŭ ludziej z razumieńniem pastavicca da situacyi ź miedycynskim absłuhoŭvańniem u rajonie.
Pa słovach hałoŭnaha ŭrača, mocna znošanyja ŭ CRB i aparatura, i aŭtapark. Naprykład, łaparaskapičnuju stojku — kompleks abstalavańnia dla chirurhičnych apieracyj — CRB atrymała pa linii humanitarnaj dapamohi kala 15 hadoŭ tamu. Novy kompleks kaštuje 250 tysiač rubloŭ, a novy aparat UHD dobraha kłasa kaštuje 60 tysiač. Na horad isnuje 5 aparataŭ UHD i jany majuć 100% znos. Aŭtapark z 13 mašyn znošany na 80%. Aŭto, jakija pavinny byli prajeździć 5 hadoŭ, jeździać pa 10-12 hadoŭ.
Ihar Taŭtyn paprasiŭ u kiraŭnikoŭ pradpryjemstvaŭ, biznesu i prostych hramadzian akazać pasilnuju dapamohu:
— My źviartajemsia da žycharoŭ horada i rajona z prośbaj akazać pasilnuju finansavuju dapamohu. Hetyja hrošy buduć nakiravany na zakupku taho, što dazvolić vam, vašym rodnym i blizkim atrymać bolš jakasnaje miedycynskaje absłuhoŭvańnie.
Rachunak dla akazańnia finansavaj dapamohi: VU80 AKVV 3642 4290 0190 6320 0000 (AAB «Biełarusbank»)
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary