U Mahilovie ŭpieršyniu za siem hadoŭ dazvolili masavuju akcyju — na 10 čałaviek
Administracyja Mahilova dazvoliła pravieści manstracyju 26 maja, paviedamlaje pazbaŭleny rehistracyi pravaabarončy centr «Viasna». Heta pieršaje za 7 hadoŭ dazvolenaje masavaje mierapryjemstva ŭ Mahilovie hramadzianskaha abo palityčnaha charaktaru.
Arhanizatarami vystupili mahiloŭskija pravaabaroncy i vałanciory. Projdzie «Manstracyja» 26 maja z 17 da 18 hadzin viečara ŭ vyhladzie pikietu. Udzieł prymuć kala 10 čałaviek.
— Idealny varyjant — vializny natoŭp ludziej z płakatami, jakija iduć pa centralnaj vulicy z paciešnymi płakatami. Ale ŭ nas niama hrošaj na milicyju dla sotniaŭ ludziej, tamu vyrašyli pravieści małym, ale vartym składam. Akramia taho, my vybrali farmat pikietu, a nie demanstracyi. Źviazana heta z tym, što lepš hadzinu pastajać z płakatami, čym za dziesiać chvilin prajści tuju stomiatroŭku ad rytualnaha ahienctva, jakuju ŭłady abaznačyli jak adzina dazvolenuju dla šeściaŭ, — raspavioŭ adzin z arhanizataraŭ Alaksandr Burakoŭ.
Pavodle jaho słoŭ, pravaabaroncy paznačyli ŭ zajaŭcy, što asnoŭnaj metaj praviadzieńnia «Manstracyi» budzie «vyražeńnie źmiešanych pačućciaŭ ab svabodzie mirnych schodaŭ u Biełarusi», što daje ŭdzielnikam prastoru dla tvorčaści ŭ vyrabie płakataŭ.
— Škada tolki, što my vymušany admović usim žadajučym pryniać u joj udzieł, pakolki zajaŭlenaja kolkaść čałaviek — 10, i za hetyja ramki my nie pavinny vychodzić. Ale kali vy chočacie dakranucca da našych manstryčaskich realijaŭ, to vyjście jość, — paviedamiŭ Burakoŭ.
Pravaabaroncy prapanujuć mahiloŭcam dasłać svaje idei z łozunhami dla «Manstracyi», jakija arhanizatary i vałanciory «Mahiloŭskaj viasny» naniasuć na płakaty i pakažuć padčas pikietu. Zrabić heta možna na paštovy adras [email protected] abo ŭ sacyjalnych sietkach, napisaŭšy ŭ «Vkontaktie» abo Facebook.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści47
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary