Mercedes GL, na jakim jeździć Šunievič, stajaŭ pad znakam. Što jamu pahražaje za heta? FOTA
Błohier NEXTA apublikavaŭ u svaim Telegram-kanale fotazdymki vulicy Vakzalnaj u Minsku, ź jakich vynikaje, što mašyna, na jakoj jeździć ministr unutranych spraŭ Ihar Šunievič, staić pad znakam «Prypynak zabaronieny».
Heta usiedarožnik Mercedes GL z numarami 9153 NK-7.
Pra toje, što mašyna maje dačynieńnie da ministra, śviedčać fota, jakija majucca ŭ ahulnym dostupie — ministr časta źjaŭlajecca pobač z hetaj mašynaj na takich ža numarach.
Pad znakam «Prypynak zabaronieny» spyniacca nielha nikomu. Inačaj možna atrymać piśmovaje papiaredžańnie ci štraf pamieram 25,5 rubla (adna bazavaja vieličynia). Kali kiroŭca parušaje praviły parkoŭki nie pieršy raz na praciahu hoda, to jaho aštrafujuć na 51 rubiel.
Adnak štraf vypisvajecca mienavita kiroŭcu, a nie ŭłaśniku aŭtamabila.
Aŭtabłohier Vasil Ciełahrejkin u fejsbuku źviarnuŭ uvahu, što pa techničnych pryčynach pryciahnuć da adkaznaści Ihara Šunieviča nie atrymajecca:
«Na fota asabista ja nie baču, jak Šunievič parkuje aŭto z parušeńniem. Zatoje možna skazać, što Šunievič likviduje parušeńnie, jakoje dapuściŭ niechta. Chto parušyŭ? A Boh jaho viedaje… Mašynaj karystajucca piać čałaviek, chto mienavita pastaviŭ, — vyklikajcie, apytvali. Usie skažuć «nie ja», i atrymlivajecca niedakazanaść ŭ suviazi ź nievyśviatleńniem asoby, jakaja padlahaje pryciahnieńniu da adkaznaści. Heta rabočaja schiema. Asabista praviaraŭ jaje dziejsnaść.
Darečy, na fota adsutničaje data i čas. Možna vykazać zdahadku, što z momantu parušeńnia skončylisia terminy pryciahnieńnia».
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary