U Kazachstanie prajšli vybary prezidenta. Palicyja zatrymała kala 500 čałaviek FOTY
Palicyja zatrymała kala 500 čałaviek u dzień pazačarhovych prezidenckich vybaraŭ u Kazachstanie, paviedamlaje Radyjo «Azatyk».
Zatrymańni adbylisia ŭ stalicy Kazachstana Nur-Sułtanie, u Ałmaty i inšych haradach — za ŭdzieł u niesankcyjanavanych mitynhach.
«Na vulicach byli sproby destabilizavać abstanoŭku… U Nur-Sułtanie spynieny sproby pierakryćcia ažyŭlenaj darohi, stvareńnia transpartnaha kałapsu pa praśpiekcie Respubliki ŭ rajonie Pałaca moładzi», — paviedamiŭ na bryfinhu namieśnik ministra ŭnutranych spraŭ Kazachstana Mart Kažajeŭ.
Jon dadaŭ, što «ŭsie mierapryjemstvy byli praviedzienyja ŭ strohaj adpaviednaści z zakonam», a śpiecsrodki pry zatrymańni pravaparušalnikaŭ nie ŭžyvalisia.
Adnak, jak havorycca ŭ paviedamleńni Radyjo «Azatyk», «palicejskija, u tym liku bajcy śpiecpadraździaleńniaŭ, hruba zatrymlivali ludziej i zapichvali ich u aŭtazaki». Ludzi, jakija sabralisia, pierad hetym kryčali: «Bajkot!»
Siarod zatrymanych akazalisia žurnalisty: z płoščy pavieźli karespandenta Azatyka Piatra Tracienku, žurnalista AFP Krysa Rykłtana, supracoŭnika Kazachstanskaha biuro pa pravach čałavieka, jaki naziraŭ za chodam pratestaŭ, Dźmitryja Cichanava.
In a police van after being detained for carrying out my professional activities. Black eye sustained during a rough arrest. I fell on a policeman's knee and was not struck deliberately. My accreditation was taken from me. #Kazelection2019 pic.twitter.com/GV8F9nmEKm
Zatrymańni kala 20 čałaviek prajšli ŭ Šymkiencie. Ludzi, jakija sabralisia na skryžavańni dźviuch vulic, ničoha nie skandiravali, adnak palicejskija zašturchali ich u mašyny. Na pytańnie karespandenta «Azatyka» pra toje, za što ich zatrymlivajuć, palicejskija zajavili: «Dla vyśviatleńnia asoby».
U Nur-Sułtanie zatrymańni adbylisia kala pałaca «Žastar», dzie sabralisia niekalki sotniaŭ hramadzian. Ludzi pryjšli tudy z błakitnymi pavietranymi šarami i skandiravali: «Ałha, Kazachstan!», «Bastandyk!» («Svaboda!»), patrabujučy sumlennych vybaraŭ. Na miescy pratestaŭ zatrymali reparciora «Azatyka» Saniju Tojkien.
Usie vybarčyja ŭčastki zaviaršyli svaju pracu ŭ 21:00 pa miascovym časie.
CVK Kazachstana paviedamlaŭ, što pa stanie na 20:00 miascovaha času na vybarach prezidenta prahałasavali 77% hramadzian, jakija majuć prava hołasu.
Adhadajcie, ź jakim vynikam pieramahaje na vybarach u Kazachstanie Takajeŭ
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram26
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary