Rasijski navukoŭca płanuje pravieści niebiaśpiečny ekśpierymient sa źmienaj hienaŭ u dziaciej
Bijołah z Rasii Dzianis Rebikaŭ zajaviŭ pra svaje namiery paŭtaryć ekśpierymient z redahavańniem hienoma ŭ dziaciej. Raniej navukovaja supolnaść asudziła kitajskaha śpiecyjalista, jaki biez dazvołu vydaliŭ adzin z hienaŭ u dvuch embryjonaŭ čałavieka, piša Nature.
U kancy 2018 kitajski bijołah Chie Cziańkuj zajaviŭ pra naradžeńnie pieršych dziaciej sa źmienienym hienomam. Z dapamohaj mietodyki CRISPR Cziańkuj vydaliŭ u dvuch embryjonaŭ hien CCR5, što, pavodle jaho słoŭ, zrabiła dziaŭčynak-bliźniat ustojlivymi da VIČ.
Jak i kitajski kaleha Chie Cziańkuj, Rebikaŭ płanuje adklučyć hien CCR5. Sami ekśpierymientalnyja embryjony buduć padsadžanyja VIČ-pazityŭnym žančynam, jakija nie reahujuć na standartnuju ŭ vypadku ciažarnaści terapiju.
Navukoŭcy ŭ Rasii płanujuć padyści da ekśpierymientu bolš adkryta, čym kitajcy, jakija paviedamili pra vyniki tolki paśla taho, jak dzieci naradzilisia.
Navukovaja supolnaść ličyć takija ekśpierymienty nie zusim etyčnymi: nielha prosta ŭziać i padsadzić žančynie adredahavany embryjon, navat kali jana zhodnaja. Kali dzicia narodzicca i vyraście, hienietyčnyja źmieny buduć pieradadzienyja nastupnym pakaleńniam — heta surjoznaje ŭmiašańnie, jakoje ŭ bijałohii nazyvajecca źmianieńniem zarodkavaj linii.
Aściarohi taksama źviazany i z tym, što technałohija moža vyklikać u embryjona niepradbačanyja mutacyi.
«Ja dumaju, što ja dosyć zvarjacieły dla taho, kab zrabić heta», — raspavioŭ Rebikaŭ časopisu Nature.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak34
Kamientary