Kiraŭnik kampanii «Havary praŭdu» Andrej Dźmitryjeŭ u červieni pryniaŭ udzieł u ekanamičnym forumie, jaki prachodziŭ u Sankt-Pieciarburhu. Pa vynikach forumu Dźmitryjeŭ daŭ intervju Uładzimiru Ryžkovu dla radyjo «Echo Moskvy». Voś niekatoryja momanty z hetaha intervju.
«Čaho bajacca ŭ Minsku? Ja niadaŭna byŭ u biełaruskaj stalicy na kruhłym stale, jaki ładziŭ Anatol Labiedźka, dyk tam byli čuvać takija słovy, jak «akupacyja» Biełarusi Rasijaj, «pahłynańnie», «zachop», — adznačyŭ Ryžykoŭ.
«Kožny baicca taho, što moža ŭjavić. Častka apazicyi, jakaja zaŭsiody była antyruskaja, kaniečnie ž, baicca i śpiekuluje na temie, što zaŭtra pryduć ruskija tanki. I na hetaj ža temie častkova śpiekuluje ŭłada, jak by dziŭna ni było. Nas ža raścisnuć, kali my tut krychu puścim kahości ekanamična ci nie ekanamična, kažuć. Ale na spravie nie bačna, kab ułady čahości bajalisia.
Biełaruskaja ŭłada ŭ dačynieńni Rasii baicca dvuch rečaŭ: [pa-pieršaje,] krajnie žorstkaj pazicyi pa sajuznaj dziaržavie. Adpaviedna, što nielha budzie admovicca. Heta budzie kaštavać tak šmat, što moža nie ŭtrymacca i ŭłada», — adznačyŭ Dźmitryjeŭ.
«Skažam prosta: kali rasijskaja ŭłada abreža dapamohu, to ci ŭtrymajecca biełaruskaja ekanomika i sacyjalnaja śfiera», — skazaŭ na heta Ryžkoŭ.
«Kali Maskva abreža ekanamičnyja mahčymaści dla Biełarusi, tady heta stanie pramoj pahrozaj dla Łukašenki. I pahrozaj budzie nie narod, a vialikaje koła ludziej vakoł Łukašenki. Narod tudy navat nie paśpieje dabiehčy. I druhoje, Łukašenka baicca ŭzrastańnia aktyŭnaści Rasii ŭnutry Biełarusi», — adkazaŭ na heta Dźmitryjeŭ.
Zahinuŭ biełaruski dobraachvotnik Vasil «Dzir» Rapicki11
Kamientary