Pradstaŭniki h.zv. DNR i ŁNR pieradali čaćviarych pałonnych ukraincaŭ palityku z hetaj krainy Viktaru Miedviedčuku ŭ minskim aeraporcie. Damoŭlenaść pra heta Miedviadčuk i lidary DNR i ŁNR dasiahnuli 27 červienia na pieramovach u biełaruskaj stalicy, piša Tut.by
Va Ukrainu adpraviacca Dźmitryj Vialiki (1988 hod naradžeńnia), Jakaŭ Vieramiejčyk (1986), Eduard Michiejeŭ (1960) i Maksim Harajnaŭ (1984).
Vyzvalenyja prylacieli ŭ Minsk z Rastova, kudy ich dastavili ź miescaŭ źniavoleńnia na Danbasie. Sami byłyja pałonnyja skazali, što daviedalisia ab vyzvaleńni čatyry dni tamu, i što pakul u ich niama płanaŭ, što rabić va Ukrainie.
Jany nie kamientavali ŭmovy svajho zatrymańnia na Danbasie, skazaŭšy tolki, što adčuvajuć siabie vydatna, i padziakavali ŭsim, chto zajmaŭsia ich vyzvaleńniem.
Na pytańni žurnalistaŭ adkazvaŭ Viktar Miedviadčuk, jaki ŭ čarhovy raz padkreśliŭ, što dziejničaje nie jak aficyjny pradstaŭnik Ukrainy, a tolki pradstaŭlaje siemji pałonnych, jakija źviartajucca da jaho za dapamohaj.
— Apošni abmien mieŭ miesca roŭna paŭtara hoda tamu. Nijakich abmienaŭ z tych časoŭ nie było. Vinoj hetamu źjaŭlajecca ŭłada spadara Parašenki, jaki admaŭlaŭsia praciahnuć druhi etap taho abmienu, pra jaki było damoŭlena tady.
Pa słovach Miedviedčuka, u pačatku minułaha hoda pavinien byŭ prajści abmien «usich na ŭsich». Palityk zajaviŭ, što novaja ŭkrainskaja ŭłada taksama nie robić nijakich krokaŭ dla vyzvaleńnia pałonnych.
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
-
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu
-
«Jana nie dačakała hetaha dnia, ale hety dzień dačakaŭ jaje»: Łarysie Hienijuš paśmiarotna vydali Nacyjanalny pašpart Biełarusi
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary