NASA pradało ŭ 1976 hodzie aryhinalnyja kadry vysadki na Miesiac svajmu stažoru za $218. Ciapier stužka kaštuje miljony
20 lipienia 1969 hoda NASA vysadziła čałavieka na Miesiac. U 1976 hodzie kaśmičnaje ahienctva vypadkova pradało stužki aryhinalnych materyjałaŭ zdymak miesiačnaj misii «Apałon-11» ščaśliŭčyku, jaki trymaŭ ich dziesiacihodździami. Jon navat nie viedaŭ pra ich źmiest.
Zaraz try kasiety, jakija pryśviečany asnoŭnym momantam u zasvajeńni kosmasu, vystaŭleny na aŭkcyjon — pa startavaj canie 700 000 dalaraŭ.
Pavodle Sotheby's, plonki kaštujuć da 2 miljonaŭ dalaraŭ.
Na kasietach, jakija mohuć prynieści miljony na aŭkcyjonie, adlustravanyja kadry NASA, na jakich Nił Armstranh i Baz Ołdryn ustalavali amierykanski ściah na Miesiacy.
Plonki byli vypadkova pradadzienyja stažoru NASA Hery Džordžu ŭ 1976 hodzie, jaki nabyŭ kamplekt na dziaržaŭnym aŭkcyjonie za 217,77 dalara. I navat nie viedaŭ, što na hetych stužkach było.
Kamientary