Prezident Hruzii zaklikała kiraŭnictva Rasii nie paddavacca na eskałacyju
«Ja zaklikaju kiraŭnictva Rasii nie paddavacca na eskałacyju», - zajaviła prezident Hruzii Sałame Zurabišvili na bryfinhu siońnia. Pavodle jaje słoŭ, mirnaja palityka źjaŭlajecca adzinym šlacham dla zachavańnia stabilnaści ŭ krainie i rehijonie, paviedamlaje apsny.ge
«Ja zaklikaju kiraŭnictva Rasii nie paddavacca na eskałacyju. Budzie paradoks, kali susiedniaja kraina adkaža na pravakavańnie, raspačataje pa jaje ž charaktarystycy «radykalnymi siłami» i hetym budzie spryjać destruktyŭnym metam. Taksama chaču padkreślić i toje, što naša mirnaja palityka źjaŭlajecca adzinym šlacham dla zachavańnia stabilnaści ŭ krainie i rehijonie.
Źviartajusia da našych hramadzianaŭ, jakija pražyvajuć u Rasii, ja — vaš prezident, i vaš dabrabyt vielmi važny dla nas. Ja viedaju, što ŭłady zrobiać usio, što možna zrabić u dadzienaj situacyi, kab vy praciahvali žyć mirna i stabilna», — adznačyła Zurabišvili.
Siońnia Dziaržduma Rasii zaklikała ŭrad ŭvieści sankcyi suprać Hruzii. Adpaviednuju zajavu «Ab mahčymych dadatkovych ekanamičnych mierach u suviazi z antyrasijskimi pravakacyjami ŭ Hruzii» pryniali adnahałosna.
7 lipienia ŭ efiry telekanała «Rustavi 2» televiadučy Hieorhij Habunija niecenzurna abraziŭ Pucina. Aficyjnyja ŭłady Hruzii padvierhnuli dziejańni viadučaha krytycy; kiraŭnictva kanała adchiliła jaho ad efiru na dva miesiacy, ale admoviłasia zvalniać.
Zahinuŭ biełaruski dobraachvotnik Vasil «Dzir» Rapicki11
Kamientary