Jak paviedamili BiełaPAN u pres‑słužbie Ministerstva zamiežnych spraŭ Estonii, adpaviednaje rašeńnie było pryniata 29 studzienia na pasiadžeńni ŭrada.
Ministr zamiežnych spraŭ Estonii Urmas Paet padkreśliŭ, što hetaje rašeńnie adlustroŭvaje jak bolš adkrytuju palityku Jeŭrasajuza ŭ adnosinach da Biełarusi, tak i intares Estonii pa ŭzmacnieńni dvuchbakovych adnosin.
«Adkryćcio pasolstva stvaraje ŭmovy dla raźvićcia dvuchbakovych adnosin i pačatku supracoŭnictva, — skazaŭ jon, vystupajučy na pasiadžeńni. — Pasolstva taksama stvoryć mahčymaści dla raźvićcia ekanamičnych adnosin. Inviestycyjny klimat u Biełarusi staŭ bolš libieralnym, i estonskija inviestycyi pavialičylisia za apošnija niekalki hadoŭ. Kali ekanamičnaja situacyja stabilizujecca, ekspart estonskich tavaraŭ u Biełaruś taksama moža mieć dobry patencyjał».
Jak paviedamili ŭ pres‑słužbie, u Minsk budzie nakiravany časovy pavierany, jaki zamienić dyrektara hienieralnaha konsulstva. Raschody na adkryćcio pasolstva buduć pakrytyja ź biudžetu MZS Estonii.
Z 1995 hoda ŭ Minsku pracuje hienieralnaje konsulstva hetaj krainy, ale jano nie ŭ stanie vykonvać usie nieabchodnyja dypłamatyčnyja funkcyi, padkreślili ŭ pres‑słužbie.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki27
Kamientary