15-hadovaja Halina, žycharka Małych Niastaničaŭ Łahojskaha rajona, prapała 17 lipienia. Jana z Krajska adpraviłasia na rovary dachaty i prapała. Staršy ŭčastkovy inśpiektar Vilejskaha RAUS Vadzim Jazinski znajšoŭ jaje na nastupny dzień. Vyśvietliłasia, što dziaŭčynka zabłukała i ŭsiu noč jechała na rovary praź les, piša kraj.by
Staršy ŭčastkovy zaraz u adpačynku.
«Ja z žonkaj i starejšaj dačkoj 18 lipienia jechaŭ na svajoj mašynie ŭ Minsk. Kala 13.00 prykładna za kiłamietr ad vioski Viapraty Łahojskaha rajona ŭbačyli dziaŭčynku, jakaja ŭ rukach kaciła sini rovar i išła ŭ napramku Minska. Uspomniŭ infarmacyju ŭ zvodcy. Pa prykmietach jana padychodziła, i ja spyniŭ mašynu.
Dziaŭčynka raspaviała, što idzie dadomu ŭ Małyja Niastanavičy. Vadzim patłumačyŭ, što jaje vioska znachodzicca ŭ 60 kiłamietrach u procilehłym kirunku, a jana idzie ŭ bok Minska, da jakoha 40 kiłamietraŭ.
— Mianie dziaŭčynka nie spałochałasia i naohuł spałochanaj nie vyhladała. Chiba što stomlenaj i trochi razhublenaj, — uspaminaje ŭčastkovy. - U razmovie vyśvietliłasia, što ŭ jaje jość mama i tata, jaki ciapier u kamandziroŭcy, a taksama try małodšyja braty. Sama jana skončyła 9-y kłas. U Krajsk pryjechała da siabroŭki, pahaściavała ŭ jaje, a kali viartałasia nazad, mabyć, nie tudy paviarnuła i zabłudziłasia.
Vadzim prapanavaŭ dziaŭčyncy pahrecca ŭ jaho mašynie, ale jana admoviłasia, skazała, što nie zamierzła. Była apranutaja ŭ koftačku i bajku z kapiušonam. Kazała, što ŭsiu noč nie spała i jechała. Išoŭ doždž. U lesie nie strašna - tolki trochi spałochałasia lisy, jakaja pierabiahała darohu. Kali ŭ rovara spuściła koła, jana pajšła pieššu.
Vyśvietliłasia, što dzieviacikłaśnica za hety čas prajechała kala 60 kiłamietraŭ. Prajazdžała praź viosku Viapraty, ale da darosłych pa dapamohu nie źviarnułasia, kaža, što nikoha nie sustreła.
Vadzim Jazinski patelefanavaŭ 102. Pryjechali supracoŭniki kryminalnaha vyšuku Łahojskaha RAUS, zabrali dziaŭčynku i advieźli dadomu.
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary