Alaksandr Łukašenka patrabuje maksimalnaj addačy pry praviadzieńni ŭboračnaj kampanii. Pra heta kiraŭnik dziaržavy zajaviŭ siońnia na respublikanskaj sielektarnaj naradzie pa pytańniach uborki ŭradžaju, piša BiełTA.
«Vidy na ŭradžaj dobryja. Prahnazujecca, što vałavy zbor pa ŭsich kulturach moža być vyšejšy, čym letaś. Tamu ad usich patrabujecca maksimalnaja addača, kab usio, što jość na palach, u kančatkovym vyniku apynułasia ŭ zasiekach. Treba zadziejničać usie najaŭnyja reziervy. Z paloŭ my pavinny ŭziać 9,5 młn ton: i raps, i kukuruzu na ziernie, i kałasavyja, i hrečku, i prosa. Mienš nielha!» — padkreśliŭ Alaksandr Łukašenka.
Kiraŭnik krainy adznačyŭ, što, niahledziačy na niadrennyja ŭmovy, ciapierašniaja ŭboračnaja kampanija niaprostaja: pasievy ŭ bolšaści vypadkaŭ vysakarosłyja, majuć dobruju ščylnaść, adnak rezka adroźnivajucca pa stupieni paśpiavańnia. «Uborka zbožžavych u hetym hodzie, jak mianie infarmujuć śpiecyjalisty, pačałasia na dziesiać dzion paźniej čym zvyčajna. Značyć, asnoŭnuju ŭborku varta zaviaršyć na praciahu dvuch tydniaŭ, a za dvaccać dzion my adnaznačna pavinny skončyć uborku», — pastaviŭ zadaču kiraŭnik dziaržavy.
Jašče adna składanaść, pa jaho słovach, źviazana z tym, što pracy pa ŭborcy zbožžavych pa časie nakładvajucca na druhi ŭkos traŭ i masavuju siaŭbu paržyščavych kultur.
Kiraŭnik dziaržavy taksama zapatrabavaŭ zabiaśpiečyć žorstki kantrol nad narychtoŭkaj lnotrasty i lnovałakna, a taksama vyroščvajem rapsu.
«Raps — heta vysokadachodnaja kultura, vielmi rentabielnaja. Vy zaŭvažyli, u Rasii šalonaja hibiel pčoł u suviazi z tym, što pačali vysiejvać u vielizarnych kolkaściach raps i nie ŭ čas apracoŭvać chimičnymi preparatami. Hladzicie, kab u nas hetaha nie paŭtaryłasia, bo razmova budzie vielmi karotkaja», — papiaredziŭ jon.
U sielektarnaj naradzie biare ŭdzieł kiraŭnictva Administracyi prezidenta, Savieta ministraŭ, Ministerstva sielskaj haspadarki i charčavańnia, Hienprakuratury, Ministerstva ŭnutranych spraŭ, Kamiteta dziaržaŭnaha kantrolu. U abłasnych studyjach na pramoj videasuviazi z prezidentam znachodziacca hubiernatary, pamočniki kiraŭnika dziaržavy ŭ rehijonach, a taksama namieśniki staršyniaŭ abłvykankamaŭ i Minskaha harvykankama, jakija kuryrujuć pytańni sielskaj haspadarki.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary