Paranieny ŭ Turcyi biełaruski dypłamat aprytomnieŭ, ale stan ciažki
Pra heta BiełTA raspavioŭ pasoł Biełarusi ŭ Turcyi Andrej Savinych.
«Ekstrannaja apieracyja prajšła paśpiachova, naš supracoŭnik znachodzicca ŭ reanimacyjnaj pałacie, siońnia ŭ abied jon aprytomnieŭ, i ź im zmahła ŭbačycca žonka, — raskazaŭ pasoł. - Zaraz jon znachodzicca ŭ stabilnym stanie, choć i ciažkim. Daktary nas abnadziejvajuć».
Pry hetym Andrej Savinych adznačyŭ «chutkuju i ščyruju reakcyju tureckich uładaŭ na ŭsich uzroŭniach, uklučajučy samy vysoki». «Jany akazali nam raznastajnuju dapamohu ŭ hetaj situacyi», —zaŭvažyŭ kiraŭnik dypłamatyčnaj misii.
Razam z hetym pasoł Biełarusi ŭ Turcyi źviarnuŭ uvahu: «Publikacyi ŭ presie, jak ja razumieju, heta ŭ asnoŭnym idzie ź niekatorych tureckich ŚMI, na žal, pačynajuć abrastać zdahadkami, jakija nie majuć dačynieńnia da realnaści. Tamu ja zaklikaju ŭsich žurnalistaŭ da strymanaści i razvažlivaści u hetuju ciažkuju dla nas chvilinu».
Pasoł taksama padkreśliŭ: «My pracujem za miažoj, apynajemsia ŭ roznych situacyjach i starajemsia być hatovymi da lubych padziejaŭ. Heta častka našaj dypłamatyčnaj pracy i paŭsiadzionnaha žyćcia».
Jak paviedamlałasia, daradca pasolstva Biełarusi ŭ Ankary pieranies napad učora ŭviečary, kali viartaŭsia dadomu z synam u adzin z žyłych kompleksaŭ u staličnym rajonie. Jaho susied pa domie, adstaŭny vajskoviec, psichična nieŭraŭnavažany, niekalki razoŭ streliŭ u dypłamata, paśla čaho skončyŭ žyćcio samahubstvam.
Ministr zamiežnych spraŭ Biełarusi Uładzimir Makiej siońnia zajaviŭ žurnalistam, što pravodzicca hruntoŭnaje rasśledavańnie, jakoje daść poŭnuju karcinu ab pryčynach. Pavodle jaho słoŭ, u tym, što adbyłosia niama nijakaj palityčnaj podbiŭki.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii33
Kamientary