Niemcy adčuvajuć svaju maralnuju adkaznaść za Druhuju suśvietnuju vajnu i za toje, što vajna zrabiła z Polščaj, — zajaviŭ ministr zamiežnych spraŭ Hiermanii Chiejka Maas u sieradu ŭ Varšavie. U toj ža čas jon padkreśliŭ, što pytańnie ab reparacyjach «zakrytaje» dla Niamieččyny ź jurydyčnaha punkta hledžańnia, paviedamlaje Polsatnews.
Maas sustrakaŭsia z kiraŭnikom polskaj dypłamatyi Jacekam Čaputovičam u sieradu. Jon padziakavaŭ za zaprašeńnie ŭziać udzieł u śviatkavańni 75-j hadaviny pačatku Varšaŭskaha paŭstańnia:
— Toje, što niemcy zrabili z palakami, prymušaje nas saromiecca.
U krasaviku deputat polskaha Siejma Januš Šeŭčak zajaviŭ, što Varšava zapatrabuje ad Niamieččyny vypłat na sumu nie mienš jak 900 miljardaŭ dalaraŭ u jakaści reparacyj za Druhuju suśvietnuju.
Publikujecca ŭ miežach śpiecyjalnaj rubryki «Naviny Hiermanii»
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary