U pierapisny list upieršyniu ŭklučany pytańni, jakija tyčacca sielskahaspadarčaj dziejnaści. Hetyja danyja nieabchodnyja dla vyznačeńnia abjomaŭ vyrablenaj respandentami pradukcyi i acenki zabieśpiačeńnia charčovaj biaśpieki krainy, rastłumačyli ahienctvu «Minsk-Naviny» ŭ Hałoŭnym statystyčnym upraŭleńni Minska.
Apytalnik źmiaščaje pytańni nie tolki pra toje, jakija abjomy bulby, jabłykaŭ i inšych płodaaharodninnych kultur vyroščvaje respandent na svaim učastku, ale i pra toje, jakaja žyŭnaść majecca ŭ haspadarcy: karovy, śvińni, aviečki i navat strausy.
Siarod novych pytańniaŭ taksama adnosiny da mihracyjnych pracesaŭ i atrymańnia dadatkovaj adukacyi. Žančyn va ŭzroście 18-49 hadoŭ spytajuć pra płanavańnie naradžeńnia dziaciej.
Upieršyniu ŭ Biełarusi pierapis projdzie ŭ pryncypova novym farmacie — ličbavym. Z 4 da 18 kastryčnika respandenty zmohuć samastojna zapoŭnić pierapisnyja listy ŭ internecie. Zarehistravacca dla ŭvachodu ŭ prahramu možna budzie ź luboha kampjutara abo smartfona. Zrabić heta zmohuć i tyja, kaho paśla 4 kastryčnika i da zaviaršeńnia pierapisu nie budzie ŭ krainie. Akramia elektronnaha farmatu płanujecca prymianieńnie tradycyjnych padychodaŭ.
Na druhim etapie pierapisčyki apytajuć doma tych, chto nie ŭziaŭ udzieł u internet-pierapisu. Abychodzić kvatery ŭ Minsku pačnuć 21 kastryčnika, pracavać pierapisčyki buduć z admysłovymi płanšetnym kampjutarami, jakija ŭ takim maštabie ŭ Biełarusi vykarystoŭvajuć upieršyniu.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary