Milicyja pra hrodzienca z amputavanaj častkaj nahi: U jaho było 2 pramile, pretenzij nie maje
Pres-słužba MUS prakamientavała ŭ telehramie situacyju z hrodziencam Dzianisam Łukjanavym.
Nahadajem, što siastra Dzianisa śćviardžaje, što toj byŭ źbity amapaŭcami. Praź niekalki dzion mužčyna trapiŭ u reanimacyju, dzie jamu była amputavana častka jahadzicy.
Jak zaznačaje pres-słužba milicyi, na aŭtafiestyvali 20 lipienia Łukjanaŭ byŭ pjany i parušaŭ hramadski paradak. Spačatku dziažurny narad dastaviŭ jaho dla razboru, a ŭ 18.00 jaho advieźli ŭ Hrodzienski RAUS (dzie taksama raźmieščany i miedvyćviareźnik).
Milicyja padkreślivaje, što supracoŭniki AMAP UUS Hrodzienskaha abłvykankama da dastaŭleńnia mužčyny ŭ adździeł milicyi dačynieńnia nie mieli, bo prybyli na aŭtafiestyval tolki ŭ 19:30.
Paśla składańnia administracyjnaha pratakołu (zafiksavana 2 pramile ałkaholu ŭ vydychanym pavietry) mužčyna byŭ nakiravany ŭ miedvyćviareźnik. Tam jaho ahledzieŭ doktar i nijakich cialesnych paškodžańniaŭ nie vyjaviŭ. Bolš za toje, sam małady čałaviek na zdaroŭje nie skardziŭsia, ruchaŭsia aktyŭna, što paćviardžajuć zapisy z kamier videanazirańnia. Ranicaj paśla poŭnaha aćvierazieńnia i biez skarhaŭ na zdaroŭje mužčyna byŭ vypisany z ustanovy.
U hety ž dzień jon znoŭ prybyŭ u RAUS dla apłaty pasłuh miedvyćviareźnika. Jak bačna pa videazapisie, prykmiet prablem sa zdaroŭjem nie mieŭ.
Nijakich zajaŭ i skarhaŭ ni z boku mužčyny, ni jaho svajakoŭ, u orhany ŭnutranych spraŭ nie pastupała. U dalejšym pa inicyjatyvie supracoŭnikaŭ upraŭleńnia pa Hrodzienskaj vobłaści HUUB MUS adbyłasia razmova z Łukjanavym. Jon rastłumačyŭ, što supracoŭnikami milicyi da jaho hvałtu nie ŭžyvałasia, a traŭmy, ź jakimi apynuŭsia ŭ špitali, jon atrymaŭ pa ŭłasnaj nieaściarožnaści praz 11 dzion paśla aŭtafiestyvala pa pryčynie znachodžańnia ŭ stanie ałkaholnaha apjanieńnia.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary