MZS Litvy vystupiła z zajavaj nakont apublikavanaha Nacyjanalnaha płana dziejańniaŭ pa vynikach stres-testaŭ BiełAES. Na dumku Litvy, dakumient nie praduhledžvaje vykanańnia rekamiendacyj ad mižnarodnych ekśpiertaŭ da abvieščanaha pačatku ekspłuatacyi stancyi.
Na dumku kiraŭnika MZS Litvy Linasa Linkiavičusa, Biełaruś demanstruje, što hrafik budaŭnictva źjaŭlajecca dla jaje bolš važnym, čym zabieśpiačeńnie biaśpieki AES i vykanańnie rekamiendacyj mižnarodnych ekśpiertaŭ.
U svaju čarhu na hetuju zajavu adreahavała MZS Biełarusi.
«Pa vynikach pračytańnia čarhovaj zajavy litoŭskaha źniešniepalityčnaha viedamstva ŭ dačynieńni da Biełaruskaj AES u hałavu adrazu ž pryjšli słovy Lva Tałstoha: «Čym ty bolš vinavaty pierad svaim, chacia b i schavanym, sumleńniem, tym bolš achvotna i mižvoli šukaješ viny inšych, i asabliva tych, pierad jakimi vinavaty». Na naš pohlad, heta šmat što tłumačyć», — adznačyli ŭ ministerstvie.
U viedamstvie pieraličyli niekatoryja fakty, jakija kažuć pra biaśpieku Biełaruskaj atamnaj stancyi. Tam padkreślili, što ni stres-testy Biełaruskaj AES, ni partniorskaja pravierka z boku jeŭrapiejskich rehulataraŭ nie vyjavili deficytaŭ biaśpieki. Rekamiendacyi biełaruskaha i jeŭrapiejskich rehulataraŭ tyčylisia nastupnaha płanamiernaha pavyšeńnia zapasaŭ tryvałaści stancyi.
MZS Biełarusi raskrytykavała i toje, jak litoŭski bok nasamreč chvaluje jadziernaja biaśpieka, i jak jon padychodzić da pytańniaŭ transparentnaści i adkaznaści ŭ jadziernaj śfiery.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary