U ZŠA farmaceŭtyčnyja kampanii zapłaciać sotni miljonaŭ štrafaŭ za prodaž preparataŭ, jakija rabili ludziej narkamanami
Sudździa štata Akłachoma abaviazaŭ adnu z najbujniejšych farmaceŭtyčnych kampanij śvietu Johnson & Johnson vypłacić 572 młn dalaraŭ dla likvidacyi nastupstvaŭ apijoidnaha kryzisu ŭ štacie, da stvareńnia jakoha, na dumku sudździ, spryčyniłasia kampanija, paviedamlaje Radyjo Svaboda sa spasyłkaj na Reuters.
26 žniŭnia sudździa pryznaŭ firmu vinavataj u prymianšeńni niebiaśpieki jaje apijoidnych supraćbolevych preparataŭ, jakija mohuć vyklikać zaležnaść, što pryviało da niekantralavanaha rostu ich spažyvańnia i śmierci tysiač ludziej. Na sudzie hienieralny prakuror Akłachomy Majk Hanter zajaviŭ, što pieradazavańnie apijoidami zabiła 4653 čałaviek u štacie Akłachoma z 2007 pa 2017 hod.
Štraf značna mienšy za 17 miljardaŭ dalaraŭ, jakich patrabavali ŭłady štata ŭ sudovym pazovie, ale jon pavyšaje šancy inšych pazoŭnikaŭ va ŭsioj krainie, jakija vystavili bolš za 1500 anałahičnych pazovaŭ da Johnson & Johnson.
Advakaty Johnson & Johnson adprečvajuć adkaznaść kampanii za rezki rost spažyvańnia apijoidaŭ i pavinny abskardžvać rašeńnie ŭ viarchoŭnym sudzie štata.
Pierad pačatkam sudovaha razboru štat Akłachoma taksama zaklučyŭ damovy z dvuma inšymi bujnymi vytvorcami apijoidnych lekaŭ, jakija pahadzilisia zapłacić štraf biez sudovaha razboru: kampanija Purdue Pharma pahadziłasia zapłacić 270 miljonaŭ dalaraŭ kampiensacyi, izrailskaja kampanija Teva Pharmaceutical — 85 miljonaŭ dalaraŭ.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary