Taksama jon zaznačyŭ, što biełaruskim vytvorcam chaciełasia b jašče adnoj 20-pracentavaj devalvacyi rubla.
Taksama jon zaznačyŭ, što biełaruskim vytvorcam chaciełasia b jašče adnoj 20-pracentavaj devalvacyi rubla.
Frahmienty razmovy kiraŭnika dziaržavy z žurnalistami byli pakazanyja na Pieršym nacyjanalnym telekanale.
Jon zaznačyŭ, što biełaruskim vytvorcam chaciełasia b jašče adnoj devalvacyi rubla. «Hetaha bolš nie budzie, bo my paabiacali narodu, — padkreśliŭ A.Łukašenka. — Tamu šukajcie mahčymaści dla źnižeńnia sabiekoštu pradukcyi, što vyrablajecca. Treba aryjentavacca i šukać kampiensacyju za košt čahości inšaha».
Havoračy pra atrymany ad Rasii kredyt u pamiery 2 młrd. dołaraŭ, A.Łukašenka zaznačyŭ, što «Zachad u try razy bolš vyhadny kredyt daje, čym Rasija». «Što za padarunak my atrymali ad Rasii. LIBOR+3% my atrymali pa kredycie. A MVF daŭ nam kredyt LIBOR+0,75%», — skazaŭ prezident.
Jon taksama padkreśliŭ, što, «kali Biełaruś hrymniecca, to dla Rasii heta budzie niesuvymierna bolšaja strata, čym dać nam 2 miljardy dołaraŭ na padtrymku». «Padtrymlivajučy nas, Rasija tym samym padtrymlivaje siabie», — ličyć A.Łukašenka.
«Pramysłoŭcam chaciełasia b jašče na 20 pracentaŭ devalvavać rubiel. Ale my narodu paabiacali i budziem svajo abiacańnie trymać. Tamu niachaj šukajuć dadatkovyja mahčymaści dla źnižeńnia sabiekoštu pradukcyi, — padkreśliŭ kiraŭnik dziaržavy. — Pramysłoŭcy ŭ luby kryzis zaŭsiody nastojvajuć na abvale. Ale jašče jość 10 młn. biełarusaŭ. My razava devalvavali 20 pracentaŭ nacyjanalnaj valuty i rastłumačyli, čamu. Rasijanie ŭžo pad 40 pracentaŭ devalvavali».
«Nijakaha abvału, razavaj devalvacyi być nie moža, — zapeŭniŭ prezident. — Nacyjanalny bank ćviorda, upeŭniena siabie adčuvaje, zołatavalutnyja reziervy vialikija. Pracentaŭ 15—17 my vykarystali ŭ samy ciažki pieryjad, kab nie ŭpaści. Potym ich adnavili. Plus jašče $1 młrd. kredytu, jaki my atrymali ad Rasii. Jaki sens, navošta nam siońnia abvalvać nacyjanalnuju valutu? Treba prosta pracavać u hetych umovach. Tamu nijakaj razavaj devalvacyi nie budzie. Niama takoj nieabchodnaści».
Jon dadaŭ, što Biełaruś siońnia niasie straty ad taho, što Rasija devalvuje svaju valutu značna chutčej. «Ale my heta kampiensujem za košt inšych faktaraŭ, — padkreśliŭ kiraŭnik dziaržavy. — U nas jość reziervy, i my ich vykarystajem».
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary