Karajeŭ raskazaŭ, jak znajšli zładziejaŭ, jakija abrabavali juvielirny mahazin «Jachant»
Ministr unutranych spraŭ Juryj Karajeŭ u efiry BT-1 raspavioŭ, jakim čynam dapamahli kamiery nazirańnia ŭ rasśledavańni abrabavańnia juvielirnaj kramy «Jachant» u Minsku.
«Apieratyŭniki praviali vielizarnuju pracu pa prahladzie ŭsich videakamier, jakija jość u hetym rajonie. Pa ich ustanoŭleny cikavyja nam asoby, jak jany padychodziać, uciakajuć z kramy. I toje, što jany vyrvali błok videanazirańnia, im nijak nie dapamoža», — skazaŭ Juryj Karajeŭ.
Pavodle jaho słoŭ, na adnoj z kamier z parku Horkaha vidać, jak złačyncy niešta vykidvajuć u Śvisłač. Potym u hetym miescy vadałazy padabrali hety vinčestar.
3 vieraśnia zatrymali dvuch padazravanych. Jany pryznali svajo dačynieńnie da rabaŭnictva. Zatym pravaachoŭniki zatrymali jašče adnaho mužčynu.
Kamientary