Łukašenka: U Biełarusi ŭžo stvaryli rakietu siaredniaj dalokaści, i ŭ płanach bolš mahutnaja zbroja

Pra heta zajaviŭ Alaksandr Łukašenka, prymajučy siońnia z dakładam staršyniu Dziaržaŭnaha vajenna-pramysłovaha kamiteta Ramana Hałoŭčanku, paviedamlaje BiełTA.

Alaksandr Łukašenka adznačyŭ, što paśla razryvu Damovy ab likvidacyi rakiet siaredniaj i mienšaj dalokaści Biełaruś apynułasia ŭ centry ŭvahi. Kiraŭnik dziaržavy padkreśliŭ, što kraina vystupaje kateharyčna suprać raźmiaščeńnia takoha ŭzbrajeńnia ŭ Jeŭropie. «Ja ŭžo nie adnojčy pra heta kazaŭ», - nahadaŭ kiraŭnik dziaržavy.

Tamu, rastłumačyŭ jon, dakład Ramana Hałoŭčanki nie varta ŭsprymać jak brazhańnie zbrojaj. «Havorka idzie pra toje, što my, taksama znachodziačysia ŭ hetym katle, haračaj palityčnaj kropcy, nie možam nie źviartać uvahu na svaju biaśpieku. Śviet, na žal, nie staŭ biaśpiečniejšym. My heta bačym i, viadoma, pavinny pradprymać peŭnyja miery», - zajaviŭ Alaksandr Łukašenka.

Pavialičyć

Łukašenka pacikaviŭsia biahučaj dziejnaściu Dziaržkamvajenprama, raźvićciom asnoŭnych napramkaŭ raboty viedamstva.

Taksama kiraŭnik dziaržavy spytaŭ, jak ciapier raźvivajucca pradpryjemstvy, pa jakich im davalisia asobnyja daručeńni. Havorka, u pryvatnaści, išła ab 558-m avijaramontnym zavodzie ŭ Baranavičach, Aršanskim avijaramontnym zavodzie, kampanii «Technika suviazi» ŭ Barani. «Daručeńnie było nie adno. Asabliva kali my hladzieli novyja sistemy ŭzbrajeńniaŭ. Jak realizujucca hetyja daručeńni? Jany ŭ asnoŭnym źviazanyja nie tolki z adnaŭleńniem dziejnaści isnujučych pradpryjemstvaŭ. Jany źviazany z vypuskam najnoŭšych uzoraŭ ŭzbrajeńnia, jakija my zdolnyja siońnia stvarać», — adznačyŭ kiraŭnik dziaržavy.

Asobna jon pacikaviŭsia raźvićciom rakietabudaŭničaj haliny. Alaksandr Łukašenka nahadaŭ, što ŭ Biełarusi ŭžo stvaryli rakietu siaredniaj dalokaści, ciapier u płanach raspracavać jašče bolš mahutnuju zbroju.

«Havorka išła ab pavieličeńni dalokaści, mahutnaści hetych rakiet na padstavie toj bazy, jakaja ŭ nas isnuje, vopytu našych partnioraŭ, pierš za ŭsio Kitajskaj Narodnaj Respubliki, ź jakoj my aktyŭna supracoŭničajem u halinie rakietabudavańnia. Chaciełasia b viedać, jak tut prasoŭvajucca pytańni i vyrašajucca tyja zadačy, jakija byli pastaŭleny «, - skazaŭ jon

Raman Hałoŭčanka dałažyŭ, što zadačy, jakija stajać pierad viedamstvam sioleta, u cełym vykonvajucca. Pradpryjemstvy pracujuć rentabielna, zarobak tam pastupova raście. Pa słovach staršyni kamiteta, Dziaržkamvajenpram kuryruje nie tolki pradpryjemstvy, jakija ŭvachodziać u jaho sistemu, ale i ŭ cełym arhanizacyi abaronnaha siektara ekanomiki.

• 0
• 0
• 0
• 0
• 0
• 0
• 0
• 0