Łukašenka: Prajechaŭ pa Minsku — adchony hołyja. Pasadzicie chacia b jełački
Alaksandr Łukašenka nahadaŭ kiraŭnictvu Minska ab zadačach pa azielanieńni i dobraŭparadkavańni. Adpaviednyja dadatkovyja daručeńni kiraŭnik dziaržavy daŭ siońnia ŭ čas naviedvańnia ŭ stalicy ZAT «Viteks», pieradaje BIEŁTA.
«Ja prymušaju ŭzdoŭž daroh drevy vysadžvać, a ŭ jaho (u Minsku) - ja admysłova prajechaŭ pa horadzie - hetyja adchony - jany hołyja. Ludzi chodziać i na takim adchonie abkošvać travu try razy na hod. Heta vydatki. Pasadzicie tam kusty (raz u 3-5 hadoŭ padrezaŭ, sfarmavaŭ, kab pryhožym byŭ, i Minsk nabudzie inšaje abličča). Heta ž vitryna. Pasadzicie choć by jełački», — skazaŭ kiraŭnik dziaržavy.
Jon adznačyŭ, što niejkija pracy ŭ hetym kirunku treba pravieści na praciahu vosieni, a za zimu spłanavać ŭ cełym. «Kožnamu kiraŭniku administracyi (staličnych rajonaŭ) daručyć», - skazaŭ Alaksandr Łukašenka. Jon taksama nahadaŭ, što pradpryjemstvam i arhanizacyjam varta ŭdzielničać u dobraŭparadkavańni i azielanieńni prylehłych terytoryj.
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?3
Kamientary