Biełteleradyjokampanija prystupiła da vytvorčasci cykła pieradač, pryśviečanaha 600‑hodździu pieramohi biełarusaŭ u składzie Vialikaha vojska Litoŭskaha ŭ Hrunvaldskaj bitvie.
Takim čynam, pačali ažyćciaŭlacca damoŭlenasci, zaklučanyja kiraŭnictvam kampanii z Tavarystvam biełaruskaj movy imia F. Skaryny.
Budučy cykł pieradač raspaviadzie pra adnu z samych vialikich i značnych u jeŭrapiejskaj historyi bitvaŭ Siaredniaviečča, jakaja stała ŭzoram voinskaj doblesci i bajavoj sadružnasci słavianskich narodaŭ u baraćbie za svabodu. Paśla taho, jak 15 lipienia 1410 hoda armija Teŭtonskaha ordena była razbitaja sajuznym vojskam Karaleŭstva Polskaha i Vialikaha Kniastva Litoŭskaha, Ruskaha i Žamojckaha, našeście niamieckich rycaraŭ na ŭschod było spyniena, a mahutnaść ordena pajšła na spad.
Cykł, pryśviečany Hrunvaldskaj bitvie (bitvie pry Tanienbierhu), jak adznačaje pres‑słužba Biełteleradyjokampanii, stanie pieršym z adnoŭlenaj sieryi prahram na histaryčnuju tematyku.Bolš padrabiazna pra hety prajekt abiacajecca raskazać niepasredna ŭ chodzie raboty nad im.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary